ՊԵԼՃԻՔԱ- ՌՈՒՍԻԱ՝ 1-0

0
149

ՄՈՆՏԻԱԼ 2014

Մոնտիալի խմբային հանգրուանի, Ը.Խմբակի ծիրին մէջ կայացող   մրցումներուն գծով, «Էսթատօ Մարաքանա»յի մէջ,73819 մարզասէրներու առջեւ Պելճիքայի հաւաքականը մրցեցաւ Ռուսիոյ դէմ: Մրցումին հիմնական պայքարը ծաւալեցաւ դաշտին կեդրոնը: Սակայն անհրաժեշտութեան պարագային երկու բերդապահերը կատարեցին բաւական լուրջ միջամտութիւններ: Առաջին կիսախաղի լաւագոյն առիթը ներկայացաւ Ռուսիոյ յարձակող Իկոր Քոքորինին: 44-րդ վայրկեանին, Կլուշաքով օդային գեղեցիկ փոխանցում մը կատարեց Պելճիքայի բերդը սուրացող Քոքորինին: Վերջինս մօտիկ տարածութենէն, գնդակը բերդին մէջ զետեղելու փոխարէն հարուածեց դաշտէն դուրս: Առաջին կիսախաղը վերջ գտաւ 0-0 հաւասարութեամբ: Երկրորդ կիսախաղը   ընթացաւ աւելի   մռայլ: 87-րդ վայրկեանին, շնորհիւ Հազարտի գեղեցիկ փոխանցումին,19-ամեայ Օրիկի նշանակեց Պելճիքայի   եւ հանդիպումին առաջին կոլը: Մրցումը   վերջ գտաւ Պելճիքայի յաղթանակով՝ 1-0: Շնորհիւ այս յաղթանակին Պելճիքա ապահովեց 1/16-րդ հանգրուանի ուղեգիրը: Էտին Հազար   ընտրուեցաւ մրցումին լաւագոյն մարզիկը:

Պելճիքա դաշտ ներկայացաւ հետեւեալ կազմով՝ Քուրթուա, Օլտերուէյրտ, Վան Պույթըն, Քոմփանի, Վերմալէն(Վերթոնկէն), Ուիցէլ, Տը Պրիւն, Մերթէնզ(Միրալաս), Ֆելայինի, Հազարտ, Լուքաքու(Օրիկի): Պելճիքացիները կիրարկեցին 4-2-3-1 խաղաոճ մը:

Ռուսիա դաշտ ներկայացաւ հետեւեալ կազմով՝ Աքինֆէյէվ, Քոմպարով, Իկնաշեվիչ, Պերեզուցքի, Քոզլով(Էշչենքօ), Ֆայզուլին, Կլուշաքով, Շաթով(Զատոյեվ), Քանունիքով, Քոքորին, Սամետով (Քերժաքով): Ռուսիա կիրարկեց 4-3-3 խաղաոճ մը:

LEAVE A REPLY

Please enter your comment!
Please enter your name here