ՀՀ Սփիւռքի Նախարար Հրանոյշ Յակոբեան Մասնակցեցաւ Սուրիահայ Բժիշկներու Պագեւատրման Արարողութեան

0
112

Յունիս 23-ին ՀՀ սփիւռքի նախարար Հրանոյշ Յակոբեան ՀՀ առողջապահութեան նախարարութեան մէջ մասնակցեցաւ  Հայաստանի մէջ սուրիահայ բժիշկներու պարգեւատրման հանդիսութեան:

Բուժաշխատողի օրուան առիթով, ՀՀ առողջապահութեան նախարար Արմէն Մուրադեանի հրամանով  մասնագիտական բարձր կարողութեան եւ սահմանային վիճակի մէջ գտնուող հիւանդի կեանքը փրկելու համար Թալինի բժշկական կեդրոնի բժիշկ-սրտաբան Պօղոս Աղոյեանը, առողջապահութեան համակարգին մէջ նուիրուած աշխատանքին համար` Ալավերդիի բժշկական կեդրոնի բժիշկ Գրիգոր Ալոզեանը, Սպիտակի բժշկական կեդրոնի բժիշկ Վարանդ Կիրակոսեանը, Ստեփանաւանի բժշկական կեդրոնի բժիշկ Աւետիս Մալաքեանը, «Նայիրի» բժշկական կեդրոնի բժիշկ Ճորճ  Բարսեղեանը, Ծաղկահովիտի բժշկական կեդրոնի բժիշկ Բիւզանդ Քահքէճեանը պարգեւատրուեցան ՀՀ առողջապահութեան նախարարութեան պատուոգիրներով:

 Շնորհաւորելով  բժիշկները մասնագիտական տօնի  առիթով` նախարար Հրանոյշ  Յակոբեան  բարձր գնահատեց  սուրիահայ բժիշկներու մասնագիտական գործունէութիւնը`  նուիրումի, գթասրտութեան եւ պատասխանատուութեան բացառիկ դրսեւորումներու, Հայրենիքի հանդէպ ջերմ սիրոյ համար: Տիկին Յակոբեան առանձնայատուկ շեշտեց այն հանգամանքը, որ  պարգեւատրուող սուրիահայ բժիշկները, հիմնականին մէջ  Հալէպէն եւ Դամասկոսէն են,  հաստատուած են  Հայաստանի մարզերուն մէջ ու իրենց մասնագիտական գիտելիքներով, պատրաստուածութեամբ  ու  անսահման ուշադրութեամբ առողջութիւն կը պարգեւեն մարզերու բնակիչներուն:  Նախարար Հ. Յակոբեան եւս մէկ անգամ  շեշտեց, որ սուրիական պատերազմի հետեւանքով Հայրենիքի մէջ վերահաստատուած մեր հայրենակիցներու խնդիրները ՀՀ սփիւռքի նախարարութեան ամէնօրեայ հոգածութեան ներքոյ են:

Իր հերթին, շնորհաւորելով բուժաշխատողներուն` ՀՀ առողջապահութեան նախարար Արմէն Մուրադեան նշեց, որ առողջապահութեան նախարարութիւնը եւս  հնարաւորինս  կ’աջակցի սուրիահայ բուժաշխատողներուն` Հայաստանի մէջ մասնագիտական կարողութիւնները դրսեւորելու համար: Պարոն Մուրադեան տեղեկացուց նաեւ, որ պարգեւատրուող սուրիահայ բժիշկներէն մէկը այս պահուն ՀՀ առողջապահութեան նախարարութեան միջոցներով կը մասնակցի  արտերկիր իրականացուող վերապատրաստման դասընթացներուն:

ՀՀ սփիւռքի եւ  ՀՀ առողջապահութեան նախարարները հաւաստիացուցին, որ  պետական աջակցութեամբ եւ համատեղ ջանքերով կը փորձեն կարգաւորել  սուրիահայերու, մասնաւորապէս բուժաշխատողներու դեռեւս գոյութիւն ունեցող տարատեսակ խնդիրները:

LEAVE A REPLY

Please enter your comment!
Please enter your name here