ՄՈՆՏԻԱԼ 2014 – ԽՐՈՒԱԹԻԱ – ՄԵՔՍԻՔՕ 1- 3

0
164

Մոնտիալ 2014-ի երրորդ հանգրուանի վերջին հանդիպումը իրարու դէմ հանեց Խրուաթիան եւ Մեքսիքօն: Մրցումը տեղի ունեցաւ «Արենա Փերնամպուքօ» մարզադաշտին մէջ: Մեքսիքօ դաշտ ներկայացաւ այն առաւելութեամբ, որ հաւասարութիւն մը բաւարար պիտի ըլլար ապահովելու 1/16-րդ հանգրուան հասնելու անոր ուղեգիրը: Խրուաթիոյ պարագային, միայն յաղթանակ մը անոնց պիտի շնորհէր 1/16-րդի ուղեգիրը:

Խրուաթիա եւ Մեքսիքօ օտարներ չեն իրարու: Անոնց միջեւ վերջին հանդիպումը կայացած է 2002-ի Մոնտիալին եւ վերջ գտած է   լատին ամերիկեան հաւաքականին յաղթանակով՝ 1-0:

Մրցումը սկսաւ Խրուաթիոյ յարձակումներով: Մեքսիքացիները յաջողեցան մինչեւ կիսախած զսպել խրուաթներու յարձակումը: Առաջին կիսախաղը   աւարտեցաւ սպիտակ   հաւասարութեամբ: Երկրորդ կիսախաղին դաշտին բոլոր անկիւններուն մէջ ընթացաւ   յամառ պայքար: Իրաւարարը, 64-րդ վայրկեանին Մեքսիքօն զրկեց արդար փենալթիի մը իրաւունքէն: 72-րդ վայրկեանին   Մեքսիքոյի խմբապետ Մարքէզ, գլխու գեղեցիկ հարուածով նշանակեց   իր կազմին եւ մրցումին առաջին կոլը: 74-րդ վայրկեանին, Կուարտատօ կրկնապատկեց հաշիւը: 82-րդ վայրկեանին   Հեռնանտեզ 3-0-ի վերածեց   հաշիւը: Խրուաթիա կրճատեց հաշիւը, բայց արդէն ուշ էր:

Խրուաթիա դաշտ ներկայացաւ հետեւեալ կազմով՝ Փիէթքոսա, Վրսալիքօ, Փրանյիչ(Ելավիչ), Փերիսիչ, Գորլուքա, Լովերն, Ռաքիթիչ, Մոտրիչ, Սրնա, Մանտզուքիչ, Օլիչ:

Մեքսիքօ դաշտ ներկայացաւ հետեւեալ կազմով՝ Օչուա, Ռոտրիկէզ, Մարքուէզ, Հերերա, Լաիուն, Տոս Սանթոս, Մորենօ, Կուարտատօ, Փերալթա, Ակուիլար, Վազքուէզ:

ԴԱՍԱՒՈՐՈՒՄ

1- Պրազիլ՝   3 մրց.   7կէտ

2- Մեքսիքօ՝ 3 մրց. 7 կէտ

3- Խրուաթիա՝ 3 մրց.   3 կէտ

4- Գամերուն՝   3 մրց.   0 կէտ

LEAVE A REPLY

Please enter your comment!
Please enter your name here