ՄՈՆՏԻԱԼ 2014 – ՊՐԱԶԻԼ ԵՒ ՄԵՔՍԻՔՕ ՀԱՍԱՆ 1/16-ՐԴ ՀԱՆԳՐՈՒԱՆ

0
135

ՊՐԱԶԻԼ – ԳԱՄԵՐՈՒՆ   4-1

Մոնտիալ 2014-ի Ա.Խմբակի վերջին օրուան   հանդիպումներուն, Պրազիլիայի « Էսթատիօ Նասիոնալ Տը Պրազիլիա» մրզադաշտին մէջ, Պրազիլի հաւաքականը մրցեցաւ Գամերունի դէմ:Մարզիչ Լուիզ Ֆիլիփէ Սքոլարիի տղաքը մտադրած էին պարտութեան մատնել իրենց ափրիկեան մրցակիցը եւ գլխաւորել Ա. Խմբակին ընդհանուր դասաւորումը: Սոյն խումբերուն միջեւ վերջին հանդիպումը տեղի ունեցած է 2003-ին եւ աւարտածէ Գամերունի յաղթանակով՝ 1-0: Յաղթանակի կոլը նշանակած է Սամուէլ Էթօն: Ընդհանրապէս, Պրազիլ միայն չորս պաշտօնական հանդիպում ունեցած է Գամերունի դէմ, յաղթելով երեքը, կրելով մէկ պարտութիւն:

Վերադառնալով   երէկուան հանդիպումին, երկու հաւաքականները դաշտ ներկայացան յաղթելու տրամադրութեամբ: 17-րդ վայրկեանին, Լուիս Կիւսթավոյի մէկ փոխանցումին վրայ, Նէյմար նշանակեց մրցումին առաջին կոլը, սոյն Մոնտիալին իր երրորդ կոլը:25-րդ վայրկեանին   Գամերուն կորսնցուց հաւասարելու ոսկէ առիթ մը: 26-րդ վայրկեանին,Մաթիպ հաւասարեցուց   հաշիւը: 34-րդ վայրկեանին դարձեալ վերականգնեց Պրազիլի առաւելութիւնը:Առաջին կիսախաղը վերջ գտաւ Պրազիլի առաւելութեամբ՝ 2-1:Երկրորդ կիսախաղին սկիզբը Ֆերնանտինիօ փոխարինեց Փաուլինիոյին:50-րդ վայրկեանին, Ֆրէտ՝ 3-1-ի վերածեց հաշիւը: 84-րդ վայրկեանին ֆերնանտինիօ 4-1-ի վերածեց հաշիւը:

Պրազիլ դաշտ ներկայացաւ հետեւեալ կազմով՝ Սեզար, Ալվէս,Սիլվա,Լուիզ, Մարչելօ, Հալք, Փաուլինիօ, Ֆրէտ,   Նէյմար, Օսքար, Կիւսթավօ: Պրազիլ կիրարկեց 4-2-3-1 խաղաոք մը:

Գամերուն դաշտ ներկայացաւ հետեւեալ կազմով՝ Իթանտիէ, Ընքուլու, Ընկուեմօ, Մուքանտճօ, Ապուպաքր,Պետիմօ, Մոթինկ, Ըմպիա, Էնոհ, Մաթիպ, Նիոմ: Գամերուն կիրարկեց 4-1-4-1 խաղաոճ մը:

LEAVE A REPLY

Please enter your comment!
Please enter your name here