ՈՒՐՈՒԿՈՒԷՅ – ԻՏԱԼԻԱ 1-0: ԻՏԱԼԻԱ ՆՈՅՆՊԷՍ ԴՈՒՐՍ ՄՆԱՑ

0
144

ՄՈՆՏԻԱԼ 2014

Անգլիա- Գոսթա Ռիքա  հանդիպումի  պահուն, Ռիօ Կրանտէի «Արենա Տաս  Տիւնաս»  մարզադաշտին մէջ  տեղի ունեցաւ Իտալիա- Ուրուկուէյ  կարեւոր  ճակատումը: Իտալիոյ  համար հաւասարութիւն մը բաւարար էր  ընկերակցելու  Գոսթա Ռիքային:  Ուրուկուէյ  կը  պայքարէր  յաղթանակի   համար:

Հանդիպումը սկսաւ երկկողմ  յարձակումներով:  Երկու  բերդապահները անմիջապէս  լծուեցան  աշխատանքի:  Եօթներորդ  վայրկեանին Պուֆոն զսպեց Սուարէզի  վտանգաւոր  մէկ   հարուածը: Խումբերը սկսան  կիրարկել կոշտ խաղարկութիւն:  22-րդ  վայրկեանին Մարիօ  Պալոթելի ստացաւ դեղին  տոմս մը:Ան պիտի բացակայի 1/16-րդ  հանգրուանի   հանդիպումէն:  Պուֆոն   32-րդ  վայրկեանին դարձեալ փրկեց  Իտալիան: Առաջին կիսախաղը  վերջ գտաւ  0-0 հաւասարութեամբ:

Բ.կիսախաղին Փարոլօ փոխարինեց Պալոթելիին:  Վերջինս վնասուածք ստանալու պատճաչով  ստիպուած  էր  կիսատ լքել հանդիպումը: Ուրուկուէյ  դաշտ ներկայացաւ  յաղթելու  վճռակամութեամբ: 50-րդ  վայրկեանին,  իրաւարարը փենալթի մը զլացաւ  հարաւամերիկացիներուն, երբ Քելինի զգետնեց Գաւանիին: 58-րդ վաէկեանին  Ռոտրիկէզ    կորսնցուց   ոսկէ առոթ մը: 59-րդ վայրկեանին, Ռիոսի դէմ  կոշտ խաղարկութեան պատճառով,  Մարչիսիօ  կարմիր  տոմս  ստացաւ եւ հեռացուեցաւ դաշտէն: 66-րդ վայրկեանին Պուֆոն մեծ  վարպետութեամբ զսպեց Սուարէզի  հարուածը: Դաշտին մէջ տասը մարզիկով  մնալով  հանդերձ, ուրուկուէյցիները  չէին յաջողեր    ճեղքել  իտալացիներուն կապոյտ  պատը: Սակայն, մրցումի 81-րդ  վայրկեանին, Ուրուկուէյ ստացաւ անկիւնային մը:  Կոտին  գլխու  հարուածով նշանակեց սպասուած  կոլը:Իտալիոյ   ֆութպոլիստները  բողոքեցին, թէ Լուիս Սուարէզ Քելինիի ուսը խածած էր  անկիւնային  հարուածի  ընթացքին…:88-րդ  վայրկեանին  Լուիս Սուարէզ  կորսնցուց հաշիւը կրկնապատկելու  առիթ մը: Մրցումը  վերջ գտաւ Ուրուկուէյի   յաղթանակով: Իտալիա դուրս մնաց  մրցաշարքէն: Սուարէզ բախտաւոր էր պարզապէս, արարքը՝ անընդունելի:

Մոնտիալի  պատմութեան  ընթացքին, Իտալիոյ հաւաքականը 19    հանդիպում ունեցած է  հարաւամերիկեան հաւաքականներու դէմ եւ կրած  է միայն  երեք պարտութիւն. 1962-ին՝   Չիլիի դէմ,  1970-ին՝ Պրազիլի դէմ, 1978-ին՝ դարձեալ Պրազիլի դէմ: Այս մէկը դարձաւ  թիւ  չորսը:

Ուրուկուէյ  դաշտ  ներկայացաւ հետեւեալ կազմով՝Մուսլերա, Գասերէս, Կիմենէզ,  Կոտին, Փերէյրա(Սթուանի), Կոնզալէս, Ռիոս,Ռոտրիկէզ(Ռամիրէզ), Լոտէյրօ(Փերէյրա), Գաւանի, Սուարէզ:

Իտալիա դաշտ ներկայացաւ հետեւեալ կազմով՝  Պուֆոն, Քելինի,  Պոնուչի, Պարզալի,Տը Սիլիօ,Մարչիսիօ, Փիրլօ,Վերաթի(Մոթա), Տարմիան, Իմոպիլէ(Գասանօ), Պալոթելի(Փարոլօ):

 

ԸՆԴՀԱՆՈՒՐ  ԴԱՍԱՒՈՐՈՒՄ

1-   Գոսթա Ռիքա            3  մրց.        7 կէտ

2-     Ուրուկուէյ              3  մրց.        6 կէտ

3-    Իտալիա                   3  մրց.         3 կէտ

4- Անգլիա                          3  մրց.         1 կէտ

LEAVE A REPLY

Please enter your comment!
Please enter your name here