ՓՈՒԹԻՆ ԿԸ ՀՐԱՀԱՆԳԷ ՎԵՐՋ ԴՆԵԼ ՈՒՔՐԱՆԻՈՅ ԴԷՄ ԶԻՆՈԻՈՐԱԿԱՆ ԳՈՐԾՈՂՈՒԹԻՒՆՆԵՐՈՒՆ

0
119

Ռուսիոյ նախագահ Վլատիմիր Փութին խորհրդարանին ներկայացուց Ուքրանիոյ դէմ զինուորական գործողութիւնները դադրեցնելու  բանաձեւ մը: Փութին եւ Միացեալ Նահանգներու նախագահ Պարաք Օպամա, հեռաձայնային հաղորդակցութեան մը ընթացքին քննարկեցին Ուքրանիոյ խաղաղութեան ծրագիրը: Ծրագիրը ներկայացուցած է Ուքրանիոյ   նախագահ Փիոթր Փորոշենքօն: Միւս կողմէ, այսօր՝ Չորեքշաբթի, Ուքրանիա, Ռուսիա, Ֆրանսա եւ Գերմանիա միասնաբար պիտի քննարկեն Ուքրանիոյ իրավիճակը:

Ապահովական գետնի վրայ, հակառակ նախագահ Փորոշեքոյի յայտարարած զինադադարին, ուքրանական բանակը կը շարունակէ ռմբակոծել Սլավիանսքի մօտակայ գիւղերը: Այս ծիրին մէջ, նախագահ Փորոշենքօ, Ռուսիան հրաւիրեց վերահսկելու Ուքրանիոյ մէջ յայտարարուած զինադադարը: ՄԱԿ-ի մօտ Ռուսիոյ դեսպան Վիթալի Չուրքին յայտնեց, թէ Ուքրանիա մնայուն կերպով կը խեղաթիւրէ իրողութիւնները եւ սխալ տեղեկագիրներ կը փոխանցէ ՄԱԿ-ին:

LEAVE A REPLY

Please enter your comment!
Please enter your name here