ԱՆՁՆԱՍՊԱՆԱԿԱՆ ԳՈՐԾՈՂՈՒԹԻՒՆ ՌԱՈՒՇԷԻ ՄԷՋ

0
163

Չորեքշաբթի   երեկոյեան Ռաուշէի   շրջանին մէջ գտնուող «Տը Ռոյ» պանդոկը ապահովութեան ուժերու կողմէ խուզարկութեան ենթարկուելու ընթացքին, պանդոկին 4-րդ յարկին վրայ   ապաստանած ահաբեկիչ մը, իր գտնուած սենեակին մէջ ականուած ռումբի մը միջոցով անձնասպանութիւն գործեց: Պայթումին հետեւանքով   վիրաւորուեցան ընդհանուր անվտանգութեան երեք պաշտօնակատարներ: Եօթ   քաղաքացիներ փոխադրուեցան հիւանդանոց: Ապահովութեան ուժեր յաջողեցան ձերբակալել անձնասպանութիւնը կատարողին սենեակակիցը, ինչպէս նաեւ տասնմէկ անձեր: Ապահովութեան ուժերը սկսան խուզարկել  այլ պանդոկներ:

Նախնական տուեալներով   ահաբեկիչները կը կրեն Սէուտական Արաբիայի քաղաքացիութիւն: Սակայն Լիբանանի մօտ Սէուտական Արաբիոյ դեսպան Ալի Աուատ Օսէյրի չբացառեց կեղծ անցագիրներ կրելու կարելիութիւն մը եւ պահանջեց աւարտին հասցնել   հետաքննութիւնները: Աւելի ուշ, «Ահրար Սըննա Պաալպէք» անունով ահաբեկչական կազմակերպութիւն մը ստանձնեց Ռաուշէի պայթումին պատասխանատուութիւնը եւ սպառնաց   շարունակել ահաբեկչական գործողութիւններու շարքը:

Ընդհանուր անվտանգութեան ուժերու տնօրէնութիւնը հրապարակեց   հաղորդագրութիւն մը եւ զգուշացուց, թէ պիտի շարունակէ   հետապնդել ահաբեկիչները:

LEAVE A REPLY

Please enter your comment!
Please enter your name here