«Արի Տուն» Ծրագիրի Առաջին Փուլի Հրաժեշտի Խարոյկը Ծաղկաձորի Մէջ

0
111

ՀՀ սփիւռքի նախարար Հրանոյշ Յակոբեան Ծաղկաձորի մէջ մասնակցեցաւ Սփիւռքի երիտասարդներու հայրենաճանաչութեան §Արի տուն» ծրագիրի առաջին փուլի հրաժեշտի խարոյկի հանդիսաւոր արարողութեան:

 Իր ողջոյնի խօսքին մէջ նախարարը ուրախութեամբ նշեց, որ Հայրենիքի մէջ գտնուելու իննօրեայ կարճ ժամանակահատուածին սփիւռքի տարբեր համայնքներու մէջ ապրող եւ տարբեր լեզուամշակութային արժէքներ կրող մեր երիտասարդներն արդէն բաւական վարժ կը հաղորդակցին հայերէնով, անոնց մէջ նկատելի է ջերմ զգացումներ եւ ոգեւորութիւն ազգային արժէքներու` մեր պատմութեան, մշակոյթի, երգ ու պարին հանդէպ: Սա անպայման կը նպաստէ, որ §Արի տուն» ծրագիրով Հայրենիք  այցելած երիտասարդներն այսուհետ եւս ձգտին գալ Հայաստան` իրենց երախտիքը բերելու անոր ծաղկման եւ հզօրացման գործին մէջ:

 Ծաղկաձորեան  §Արի տուն» ճամբարին մէջ  մինչեւ ուշ երեկոյ կը թեւածէր ազգային ոգին, երեխաները ներկաներուն մատուցեցին ծրագիրի ծիրէն ներս սորված ազգային երգն ու պարը, ասմունքը: Արիտունցիներուն հաճելի անակնկալ մատուցեցին ՀՀ վաստակաւոր արուեստագէտներ Շուշան Պետրոսեան, Անտրէն, երգչուհի Յասմիկ Կարապետեան, ասմունքող, ՀՀ վաստակաւոր արուեստագիտուհի Սիլվա Եուզբաշեան:

 Մասնակիցները 9 օրուան ընթացքին հասցուցած են ծանօթանալու Հայաստանի պատմամշակութային տեսարժան վայրերուն,  ունեցած են  բազմաբնոյթ հանդիպումներ պետական, հասարակական եւ մշակութային գործիչներու հետ, իրականացուած են հայրենագիտութեան դասեր: Ծրագիրի վերջին  5 օրերը մասնակիցները  անցուցած են  ծաղկաձորեան ճամբարին մէջ:

 Յիշեցնենք, որ §Արի տուն» ծրագիրի առաջին փուլին կը մասնակցին շուրջ 105 պատանիներ եւ աղջիկներ   5 երկրէ:

LEAVE A REPLY

Please enter your comment!
Please enter your name here