ԼԻԲԱՆԱՆԵԱՆ ԿԱՐՃ ԼՈՒՐԵՐ

0
123

–         Խորհրդարանի նախագահ Նեպիհ Պըրրի նախագահի ընտրութեան նիստի հրաւիրեց խորհրդարանը, Չորեքշաբթի, 2 Յուլիս 2014-ին: Պըրրի ընդունեց     նախկին նախարար Մուհամմէտ Սաֆատին, երեսփոխան Նիքոլա Ֆաթուշը եւ այլ անձնաւորութիւններ:

–         Մարոնիներու Պշարա Ռայի գարտինալը խորհրդարանէն պահանջեց շուտափոյթ   նախագահ մը ընտրել երկրին: Ռայի ըսաւ, թէ   նախագահին ներկայութիւնը պիտի ամրապնդէ լիբանանցիներու միջեւ համակեցութիւնը եւ միասնականութիւնը:

–         Լիբանանեան Ուժեր Կուսակցութեան գործադիր խորհուրդի պետ Սամիր Ժաաժա, Մաարապի մէջ ընդունեց Սաատ Հարիրիի պատուիրակ Ղաթաս Խուրին եւ քննարկեց նախագահական ընտրութիւններու գործընթացը:

–         Ընկերվար   Յառաջդիմական Կուսակցութեան պետ Ուալիտ Ճոմպլաթ աւարտեց Քուէյթ կատարած այցելութիւնը եւ վերադարձաւ Լիբանան: Ճոմպլաթ, որուն կ’ընկերակցէին առողջապահութեան նախարար Ուայէլ Ապու Ֆաուրը, երեսփոխան Հանրի Հելուն, հանդիպումներու շարք մը ունեցաւ Քուէյթի շէյխ Սապահ Ահմէտ Ճապէր Սապահ իշխանին, վարչապետ շէյխ Ճապէր Մուպարաք Սապահին եւ այլ անձնաւորութիւններու հետ: Ճոմպլաթ   շեշտեց երկու երկիրներուն միջեւ   ջերմ յարաբերութիւնները, ինչպէս նաեւ Լիբանանին կատարած Քուէյթի   մարդասիրական օժանդակութիւնները:

–         Նախկին վարչապետ Սաատ Հարիրի Փարիզի մէջ հանդիպում մը ունեցաւ Միացեալ Նահանգներու պետական քարտուղար Ճոն Քերրիի հետ եւ քննարկեց լիբանանեան, ինչպէս նաեւ շրջանային զարգացումները:

LEAVE A REPLY

Please enter your comment!
Please enter your name here