ՄՈՍԿՈՒԱ ԽՈՍՏԱՑԱՒ ՀԱՄԱՐԺԷՔ ՊԱՏԱՍԽԱՆ ՏԱԼ ՈՒՔՐԱՆԻՈՅ ԵՒ ՎՐԱՍՏԱՆԻՆ

0
121

«Ռուսիա պատրաստ է Եւրոպական Միութեան հետ ԱՊՀ   երկիրներու համագործակցութեան հարցերով   խորհրդակցութիւններ սկսիլ, բայց եթէ այդ պայմանագիրները ժխտական ադրադառնան համագործակցութեան ազատ առեւտուրի գօտիին վրայ, Մոսկուա պաշտօնական քայլերու պիտի ձեռնարկէ ». յայտարարեց Ռուսիոյ արտաքին գործոց նախարար Սերկէյ Լաւրով: Լաւրով   ըսաւ, թէ Մոսկուա կը փափաքի իմանալ, թէ ինչ հետեւանքներ կը սպասէ ռուսական առեւտուրին՝ Եւրոպական Միութեան հետ ԱՊՀ երկիրներու համագործակցութեան պայմանագիրը կնքելէ ետք:

Լաւրով նշեց,թէ ԱՊՀ շրջանակներու մէջ, ազատ առեւտուրի գօտիի մասին   համաձայնագիրը ցարդ կը գործէ Մոլտովայի եւ Ուքրանիոյ պարագային: Վրաստանի պարագային՝ ոչ: Եւրոպական Միութիւնը այսօր՝ Ուրբաթ պիտի ստորագրէ Ուքրանիոյ հետ համագործակցութեան համաձայնագիրը:

Երէկ կէսօրէ ետք, Պրիւքսէլի մէջ սկսաւ Եւրոպական Միութեան հերթական գերաստիճանը: Ուքրանիոյ նախագահ Փիոթր Փորոշենքօ ելոյթ մը   նախապատրաստած է այս առիթով: Նախքան Պրիւքսէլ մեկնումը, Փորոշենքօ հեռաձայնային   հաղորդակցութիւններ ունեցաւ Գերմանիոյ   վարչապետ Անկելա Մերքէլի եւ Ռուսիոյ նախագահ Վլատիմիր Փութինի հետ:

LEAVE A REPLY

Please enter your comment!
Please enter your name here