ՍՈՒԱՐԷԶ ՉՈՐՍ ԱՄԻՍ ՊԻՏԻ ԲԱՑԱԿԱՅԻ ԴԱՇՏԵՐԷՆ

0
153

Ֆութպոլի  Միջազգային Մարմինը ՖԻՖԱ՝  չորս ամսուան  պատիժ մը  սահմանեց   Ուրուկուէյի   հաւաքականի եւ Լիվըրփուլի  յարձակող Լուիս Սուարէզի  դէմ:  Սուարէզ, Իտալիա- Ուրուկուէյ Մոնտիալի հանդիպումին ընթացքին   անակնկալօրէն խածաւ  Իտալիոյ  հաւաքականի  պաշտպան Ճիորճիօ  Քելինիի  ուսը: 27-ամեայ   ֆութպոլիստը  պիտի  բացակայի Ուրուկուէյի կատարելիք  յաջորդ ինը  միջազգային հանդիպումներէն: Ան նաեւ պիտի  բացակայի Անգլիոյ ֆութպոլի ախոյեանութեան գծով, Լիվըրփուլի  կատարելիք առաջին  ինը  հանդիպումներէն:  Սուարէզ նաեւ  տուգանքի ենթարկուեցաւ  65680  տոլարի գումար մը:

Սուարէզի պատիժը ամենածանրն է  ֆութպոլի  պատմութեան մէջ:Ուրուկուէյի  ֆութպոլի ֆետերասիոնը  որոշած  է բողոքել   պատիժին դէմ:  Սուարէզի ասպարէզը   լեցուն  է  հակառակորդ խումբի  ֆութպոլիսներ խածնելու   դէպքերով:  2010-ին, Այաքսէն խաղալու  ընթացքին,ան  խածաւ Փի.Էս.Վի. Այնտհովենի  մարզիկներէն  Օթման  Պաքալին:   2013-ին՝ Լիվըրփուլ- Չելսի  մրցումին  ընթացքին՝ Չելսիի  յետսապահ  Պրանիսլաւ Իվանովիչին:  Նշենք, թէ Լիվըրփուլ ակումբին   մարզիկները եւ  տնօրէնութիւնը դատապարտեցին  Սուարէզի արարքը:  Շատերու կարծիքով,   Լիվըրփուլ  պատրաստ է հրաժարելու Սուարէզէն:

 

 

LEAVE A REPLY

Please enter your comment!
Please enter your name here