Սպանական Նաւարայի Ինքնավար Շրջանի Խորհրդարանը Ճանչցած Է Հայոց Ցեղասպանութիւնը

0
123

Սպանիոյ Նաւարայի Ինքնավար Շրջանի խորհրդարանը յունիս 23-ին վաւերացուցած է Հայոց ցեղասպանութիւնը ճանչցող հռչակագիրը: Ինչպէս կը հաղորդէ «Արմէնրփէս»-ը, ըստ Հայաստանի եւրոպական ընկերներ (EuFoA) կազմակերպութեան լրատուական բաժինին: Հռչակագիրի ընդունումը կազմակերպութեան կողմէ Հայաստան եւ Լեռնային Ղարաբաղ կազմակերպուած ուսուցողական այցելութիւններու արգասիքն է:

Խորհրդարանի ընդունած հռչակագիրին մէջ կը նշուի, որ «Համաձայն 1987 թուականի յունիսին Եւրոպայի խորհրդարանի ընդունած բանաձեւին, որն աւելի ուշ հաստատուեցաւ համանման բանաձեւերով (2002 թուականի փետրուար 28-ին եւ 2004 թուականի ապրիլ 1-ին), իրադարձութիւնները, որոնցմէ տուժած է հայ ժողովուրդը,  իսկական ցեղասպանութիւն են»:

«Քանի որ մենք կը մօտենանք Հայոց ցեղասպանութեան 100-րդ տարելիցին, նման հռչակագիրները յստակօրէն ցոյց կու տան եւրոպական համերաշխութիւնը հայ ժողովուրդին եւ անոր տառապանքներուն հետ»,- յայտարարած է Հայաստանի եւրոպական ընկերներ կազմակերպութեան տնօրէն Էդուարդօ Լորենցօ Օչոան: Ան ընդգծած է, որ EuFoA-ն հպարտ է, որ իր լայն ցանցի շնորհիւ եւրոպական աւելի ու աւելի շատ հետաքրքրուած կողմեր կը տեղեկանան խնդիրի կարեւորութեան մասին:

Նաւարայի Ինքնավար Շրջանի խորհրդարանի ընդունած հռչակագիրը կը քննադատէ այն ժամանակուան թրքական վարչակարգի մշակած քաղաքականութիւնը եւ Թուրքիոյ կոչ կ’ընէ «Լաւ եւ ներդաշնակ հարեւանութեան ոգով դիւանագիտական յարաբերութիւններ հաստատել Հայաստանի հետ եւ սահմանային խնդիրը լուծել խաղաղ ճանապարհով»: Հռչակագիրի ծիրէն ներս կը նշուի, որ հաշուի առնելով Թուրքիոյ ԵՄ անդամ երկրի թեկնածու ըլլալու փաստը` երկիրը պէտք է հրատապ կերպով կարգաւորէ Հայոց ցեղասպանութեան ճանաչման եւ դիւանագիտական յարաբերութիւններ հաստատելու հարցերը:

Նաւարան Սպանիոյ  հիւսիսը գտնուող եւ Ֆրանսայի հետ սահմանակից ինքնավար շրջան է, որն իր չափերով գրեթէ հաւասար է Կիպրոսին (10. 391 քառ. կմ): Նաւարայի բնակչութեան թիւը կը հասնի 650 հազարի: Այն Սպանիոյ 4-րդ շրջանն է, որ կը ճանչնայ Հայոց ցեղասպանութիւնը` Բասկերու Երկիր, Քաթալոնիա շրջաններէն եւ Բալեարիկ կղզիներէն ետք:

http://armenpress.am

LEAVE A REPLY

Please enter your comment!
Please enter your name here