ՓՈՐԹՈՒԳԱԼ – ՂԱՆԱ (Է.ԽՄԲԱԿ) 2 – 1

0
161

ՄՈՆՏԻԱԼ  2014

Պրազիլիայի «Էսթատիօ Նասիոնալ  Կարինչա»  մարզադաշտին մէջ, Փորթուգալ  եւ  Ղանա  դաշտ  ներկայացան   յաղթական  արձանագրելու վճռակամութեամբ, այն ակնկալութեամբ, որ Գերմանիա պարտութեան  մատնէ Միացեալ Նահանգները: Փորթուգալի մարզիչ  Փաուլօ  Պենթօ՝ իր առջեւ    վնասուածք ստացածներու երկարյ  ցանկ մը ունենալով, ստիպուած էր   վերադասաւորել իր կազմը: Ֆապիօ  Գուենթրաու,  Հիւկօ Ալմէյտա, Անտրէ Ալմէյտա,  Հելտէր Փոսթիկա  վնասուածքի  պատճառով  նոյնսիկ պահեստայիններուն  մէջ  չէին ընդգրկուած: Ղանայի հաւաքականը  չունէր նոյնանման մտահոգութիւն: Անոր կազմին միակ  բացական պիտի  ըլլար  Սուլի Մունթարին՝ յաջորդական երկու զգուշացում ստացած ըլլալու պատճառով:

Հանդիպումը  ֆութպոլի  պատմութեան մէջ առաջինն էր երկու  հաւաքականներուն միջեւ: Կ’արժէ  նշել, որ նախքան այս հանդիպումը, Փորթուգալ միայն մէկ  յաղթանակ արձանագրած էր  Մոնտիալի  վերջին ութ հանդիպումներուն (4 պարտութիւն, 4 հաւասարութիւն):

Հանդիպումը սկսաւ  Փորթուգալի  յարձակումներով: Ղանա  աստիճանաբար   ապացուցեց իր ներկայութիւնը:  Տոտա՝ 12- րդ  եւ 18-րդ 32 րդ  վայրկեաններուն զսպեց Ռոնալտոյի  հարուածները: 30-րդ վայրկեանին, Պոյը  սեփական   բերդէն ներս  ուղղեց գնդակը,  Փորթուգալին  շնորհելով  1-0  առաւելութիւն մը: Ղանացիներուն միակ վտանգաւոր   ֆութպոլիստը  Կիանն էր: 39- րդ վայրկեանին Ացու կրնար  հաւասարեցնել   հաշիւը: 43-րդ վայրկեանին իրաւարարը  փենալթի մը զլացաւ  Ղանային:Առաջին կիսախաղը  վերջ  գտաւ 1-0 ` Փորթուգալի առաւելութեամբ:

Երկրորդ  կիսախաղը  սկսաւ  երկկողմ յարձակումներով: 56-րդ  վայրկեանին Կիան հաւասարեցուց  հաշիւը: 60-րդ  վայրկեանին,   Ղանա  կորսնցուց  ոսկէ առիթ մը: 80-րդ  վայրկեանին Քրիսթիանօ  Ռոնալտօ  դարձեալ յառաջ  մղեց  Փորթուգալը: 90-րդ եւ 91-րդ  վայրկեանին  Ռոնալտօ  կոսնցուց  երկու  ոսկէ առիթներ:   Հանդիպումը  վերջ  գտաւ Փորթուգալի   յաղթանակով,  սակայն երկու խումբերը  դուրս  մնացին Մոնտիալի  յետագայ  պայքարէն:

Ղանա դաշտ ներկայացաւ հետեւեալ կազմով՝  Տոտա, Աֆուլ, Պոյը, Մենսահ, Ասամօա, Ացու, Ռապիու(Աչուա),  Պատու, Այէու(Ուաքասօ), Ուարիս(Ճորտան  Այէուա),  Կիան:  Ղանա  մրցումը սկսաւ  4-2-2  խաղաոճով:

Փորթուգալ դաշտ ներկայացաւ  հետեւեալ կազմով՝  Պեթօ, Փերէյրա, Փեփէ, Ալվէս, Վելոսօ, Մութինիօ, Գարվալիօ, Ամորիմ, Նանի, Ռոնալտօ,  Էտէր:   Փորթուգալ  մրցումը սկսաւ 4-3-3  խաղաոճով:

LEAVE A REPLY

Please enter your comment!
Please enter your name here