ԱՊԱՀՈՎԱԿԱՆ ԿԱՅՈՒՆՈՒԹԻՒՆԸ ՊԱՀՊԱՆԵԼՈՒ ԼԱՅՆԱԾԻՐ ԳՈՐԾՈՂՈՒԹԻՒՆՆԵՐ

0
140

Խորհրդարանի նախագահ Նեպիհ Պըրրի   դիտել տուաւ, թէ լիբանանցիներու մօտ ներկայիս առաջնային մտահոգութիւնը   երկրին անվտանգութիւնն է: Պըրրի   շեշտեց, որ անհրաժեշտ է   ամէն տեսակի   օգնութեան ձեռք   մեկնել   բանակին եւ անվտանգութեան կառոյցներուն: Պըրրի   ընդունեց Լիբանանի մօտ Միացեալ Նահանգներու դեսպան Տէյվիտ Հէյլը եւ քննարկեց   լիբանանային եւ շրջանային վերջին զարգացումները: Վարչապետ Թամամ Սալամ, վարչապետարանին մէջ ընդունեց խորհրդարանական հարցերու պետական նախարար Մուհամմէտ Ֆընէյշը, հետաքննիչ ատեանի դատախազ Սամիր Համուտը եւ այլ անձնաւորութիւններ:

Անվտանգութեան մարմիններ գաղտնի պայմաններու տակ հետաքննութիւն կը վարեն Ռաուշէի պայթումին ընթացքին ձերբակալուած յանցագործին հետ: Լիբանանցի հօրմէ եւ հալէպցի մօրմէ, Աքքար ծնած ենթական կը կրէ սուրիական քաղաքացիութիւն: Սէուտական Արաբիա մտադրած է անվտանգութեան մարմին մը ուղարկել Պէյրութ,լիբանանեան անվտանգութեան ծառայութիւններուն   օժանդակելու նպատակով: Քուէյթեան «Ան Նահար» օրաթերթը կը գրէ, թէ ահաբեկչական գործողութիւնները խստիւ դատապարտելու, Լիբանանի մօտ Սէուտական Արաբիոյ դեսպան Ալի Աուատ Օսէյրիի հաւասարակշռուած  յայտարարութիւնները՝ շիի-սիւննի միջհամայնքային խռովութեան մը առաջքը առնելու փորձեր են: «Օքազ»   օրաթերթին տուած հարցազրյոյցին մէջ,   դեսպանը սէուտցի քաղաքացիներուն կը թելադրէ   չայցելել Լիբանան՝ ներկայ պայմաններուն տակ:

Տաաշին   ենթակայ, ցարդ անծանօթ կազմակերպութիւն մը «Դամասկոսի եւ Քալամունի միացեալ նահանգ» անունով, ստանձնեց «Տը Ռէյ» պանդոկին պատասխանատուութիւնը:

Լիբանանեան բանակը երէկ առաւօտեան փակեց Քորնիշ Մազրաայի մէջ, Ճամալ Ապտէլ Նասէր մզկիթը առաջնորդող ճանապարհները:

Նախագահական գետնի վրայ   կեցուածքները կը մնան անփոփոխ: Լրատուական կարգ մը աղբիւրներու համաձայն, Սաատ Հարիրի յատուկ պատուիրակ մը ղրկած է Ռապիէ՝ Միշէլ Աունին փոխանցելու, թէ նախագահական ընտրութիւններու վերաբերեալ Ուալիտ Ճոմպլաթի հետ խորհրդակցութիւնները չեն յանգած որեւէ եզրակացութեան:Սակայն միւս կողմէ, լրատուական այլ աղբիւրներու համաձայն, Մուսթաքպալ Հոսանքի պետ Ֆուատ Սինիորա անկարելի կը գտնէ Աունին հետ քալերու կարելիութիւն մը: Լոնտոնի մէջ լոյս տեսնող «Ալ Շարք Ալ Աուսաթ» օրաթերթը կը գրէ, թէ Աունի եւ գարտինալ Ռաիի միջեւ տարակարծութիւնները կ’ուշացնեն նոր նախագահի ընտրութիւնը: Պըքերքէի   շրջանակներ   հերքեցին միջքրիստոնէական հանդիպումի մը մասին տեղեկութիւնները:

LEAVE A REPLY

Please enter your comment!
Please enter your name here