ԼԻԲԱՆԱՆԵԱՆ ԿԱՐՃ ԼՈԻՐԵՐ

0
125

– Երեսփոխան Ժան Օղասապեան յայտարարեց, թէ անվտանգութեան կառոյցներուն միջեւ կը տիրէ ամբողջական փոխհասկացողութեան եւ համագործակցութեան մթնոլորտ: Երեսփոխանը ցաւ յայտնեց, որ քաղաքական կեցուածքները եւ աշխատանքները չեն համապատասխաներ կացութեան պահանջներուն, այն պահուն երբ Լիբանան դարձած է Տաաշի եւ այլ ահաբեկչկան կազմակերպութիւններու   բեմը: Օղասապեան պահանջեց վերականգնել սահմանադրական կառոյցներուն աշխատանքը, սկսելով նոր նախագահի մը ընտրութենէն   եւ վերաշխուժացնելով օրէնսդիր կառոյցին գործունէութիւնը:

– Լիբանանի մօտ Ռուսիոյ   դեսպան Ալեքսանտր Զասփիքին դիտել տուաւ, թէ ահաբեկչութեան   վտանգը ներկայ է ամենուրէք:Այսուհանդերձ, Լիբանանի մէջ տակաւին չէ հասած իր գագաթնակէտին: Դեսպանը   հանդուրժողութեան եւ չափաւորականութեան կոչ ուղղեց Լիբանանի բոլոր համայնքներուն եւ թելադրեց անմիջապէս նոր նախագահ մը   ընտրել երկրին: Զասփիքին սոյն   յայտարարութիւնը կատարեց Մուսթաքպալ Հոսանքի պետ Ֆուատ Սինիորայի հետ հանդիպումին լոյսին տակ: Իր կարգին, Սինիորա պահանջեց ազգային միասնականութեան կառավարութիւն մը կազմել Իրաքի մէջ:

-Արտաքին գործոց   նախարար Ժըպրան Պասիլ ընդունեց Լիբանանի մօտ,ՄԱԿ-ի Ապահովութեան Խորհուրդի մնայուն անդամ պետութիւններու դեսպանները, ինչպէս նաեւ Լիբանանի մօտ Սուրիոյ դեսպանը եւ քննարկեց   շրջանային զարգացումները:

-Լիբանանեան բանակը   երկրին տարբեր շրջաններուն մէջ ձերբակալեց տասնեակէ աւելի   ապօրէն զէնք կրողներ եւ հարցաքննութեան ենթարկեց բոլորը::

– Երկրին մէջ տիրող անապահովական անորոշութեան լոյսին տակ, Հըզպալլա մտադրած է հրաժարիլ Ռամատանի առիթով «Իֆթար»ներ   կազմակերպելու աւանդութենէն:

-Փոփոխութիւն եւ Բարեկարգում խորհրդարանական խմբաւորումի անդամ Միշէլ Հելու   մահացաւ: Երեսփոխանը շրջանէ մը ի վեր կը պայքարէր անողոք հիւանդութեան մը դէմ:

 

LEAVE A REPLY

Please enter your comment!
Please enter your name here