ԿԻՒԼ ԹԵԿՆԱԾՈՒԹԻՒՆԸ ՊԻՏԻ ՉԱՌԱՋԱԴՐԷ ՅԱՌԱՋԻԿԱՅ ԸՆՏՐՈՒԹԻՒՆՆԵՐՈՒՆ

0
116

Լրագրողներու հետ զրոյցի ընթացքին, Թուրքիոյ նախագահ Ապտուլլա Կիւլ ըսաւ, թէ   թեկնածութիւնը պիտի չառաջադրէ նախագահութեան յառաջիկայ ընտրութիւններուն.« Ես պիտի չառադրեմ թեկնածութիւնս: Այս մասին նախապէս ալ արտայայտուած եմ: Խօսած եմ նաեւ վարչապետ Էրտողանին հետ: Իմ պաշտօնավարութեան ժամկէտը կ’աւարտի   28 Օգոստոսին». ըսաւԿիւլ:

Նշենք, թէ այս տարի առաջին անգամ Թուրքիոյ մէջ   ժողովուրդը պիտի ընտրէ երկրի նախագահը: Նախապէս՝, խորհրդարանը: Քաղաքական շրջանակներու կարծիքով, վարչապետ Ռեճէպ Թայիփ Էրտողան   յառաջիկայ քանի մը  ժամերուն ընթացքին, իր թեկնածութիւնը պիտի յայտարարէ նախագահական ընտրութիւններուն:

Թուրքիոյ նախագահի   ընտրութիւնները պիտի կայանան 10 Օգոստոսին: Առաջին հանգրուանին յաղթողը չորոշուելու պարագային, երկրորդ հանգրուանը պիտի կայանայ 24 Օգոստոսին:

LEAVE A REPLY

Please enter your comment!
Please enter your name here