ՄՈՆՏԻԱԼ 2014 – ԳՈՍԹԱ ՌԻՔԱ – ՅՈՒՆԱՍՏԱՆ՝ 1 -1 ( 5-3՝ ՓԵՆԱԼԹԻՆԵՐՈՎ)

0
145

ԳՈՍԹԱ ՌԻՔԱ   ԲԱՐԵԿԱՄՆԵՐ ԿԸ ՇԱՀԻ ՊՐԱԶԻԼԻ ՄԷՋ

Մոնտիալ 2014-ի անակնկալ խումբը՝ Գոսթա Ռիքա, 1/16-րդ   հանգրուանի մրցումներուն, «Արենա Փերնամպուքօ» մարզադաշտին մէջ, 41242   մարզասէրներու ներկայութեան իր ուժերը չափեց Յունաստանի դէմ: Կեդրոնական Ամերիկայի կիրարկած հաւաքականին   խաղոճը եւ ձեռք բերած արդիւնքները պիտի յիշատակուին իբրեւ Մոնտիալ 2014-ի յաջողութիւններէն: Քիչեր այսօրինակ ակնկալութիւններ ունէին Գոսթա Ռիքայի կազմէն: Յունաստանի դէմ անոնց յաղթանակը եկաւ ապացուցելու, թէ պատահականութիւն չէին խմբակային հանգրուանին Ուրուկուէյի, Իտալիոյ եւ մասամբ՝ Անգլիոյ դէմ   յաջողութիւնները: Արդարեւ, գոսթա ռիքացիները համոզիչ խաղաոճ մը կիրարկելով, յետ երկարաձգումի՝ փենալթի հարուածներով՝ 5-3 արդիւնքով պարտութեան մատնեցին Յունաստանը: Մրցումին 90 վայրկեանները վերջ գտան 1-1 հաւասարութեամբ: Յաւելեալ 30 վայրկեաններուն արդիւնքը մնաց անփոփոխ: Առաջին կիսախաղը հաւասարութեամբ վերջ գտնելէ ետք, ընդմիջունէն ետք, 52-րդ վայրկեանին,Պրայն Ռուիզ նշանակեց Կեդրոնական Ամերիկայի հաւաքականին եւ մրցումին առաջին կոլը: Յոյները փորձեցին   հաւասարեցնել հաշիւը: Մրցումի 90-րդ վայրկեանին, Սոքրաթիս Փափասթաթոփուլոս յաջողեցաւ նշանակել Յունաստանի հաւասարութեան կոլը: Նշենք, թէ գոսթա ռիքացիները 66-րդ  վայրկեանէն ետք, տասը մարզիկներով շարունակեցին մրցումը՝ միջնապահ Օսքար Տուարթէ կարմիր տոմս ստանալու պատճառով: Գոսթա Ռիքայի բերդապահ Քէյլոր Նավաս պահանջեալ պահուն կատարած վճռական միջամտութիւններով կարեւոր դերակատարութիւն ունեցաւ իր հաւաքականին արձանագրած յաղթանակին մէջ:

Գոսթա Ռիքա դաշտ ներկայացաւ հետեւեա կազմով՝ Նավաս, Կամպօա(Աթոսթա), Տիազ Գամպէլ,Ումանա, Կոնզալէս, Տուարթէ, Ռուիզ, Վալվերտէ(Գուպերօ), Գամպէլ, Պորկէս, Պոլանոս (Պրենէս):

Յունաստան դաշտ ներկայացաւ հետեւեալ կազմով՝ Քարնեզիս, Թորոսիտիս,Հոլեպաս, Սամարիս(Միթրօղլու), Մանոլաս, Փափաստաթոփուլոս, Սալփինկիտիս (Քացուրանիս), Սամարաս, Քարակունիս, Քրիսթոտուլոփուլոս:

LEAVE A REPLY

Please enter your comment!
Please enter your name here