ՆԱԽԱԳԱՀ ՍԵՐԺ ՍԱՐԳՍԵԱՆ ՆՇԵՑ ԻՐ 60-ԱՄԵԱԿԸ

0
111

Հայաստանի նախագահ Սերժ Սարգսեան նշեց իր ծննդեան 60-ամեակը: Այս առիթով, Արցախի   հանրապետութեան նախագահ Բակօ Սահակեան յղեց շնորհաւորական հեռագիր   մը.

«Մեծարգոյ Սերժ Ազատի,

Արցախի   ժողովուրդի, իշխանութիւններուն եւ անձամբ իմ անունով ի սրտէ   կը շնորհաւորեմ Ձեզ ծննդեան 60-րդ տարեդարձի կապակցութեամբ: Դուք կանգնած էք Արցախեան ազգային-ազատագրական շարժումին ակունքներուն մէջ եւ մեծ աւանդ   ունիք հայկական երկու   հանրապետութիւներուն կայացման ու զարգացման, հայոց   բանակի կազմաւորման եւ   մեր բոլոր   յաղթանակներու կերտման գործին մէջ:

Տարբեր   ժամանակներու մէջ բարձր պաշտօններ զբաղեցնելով   Արցախի եւ Հայաստանի ՝ դուք անմնացորդ նուիրուած էք հարազատ   ժողովուրդի   շահերու պաշտպանութեանը, համազգային նպատակներու ու   ծրագիրներու իրականացմանը: Ան   հայրենանուէր եւ ազգանպաստ   ծառայութիւն է, որ արժանի է բարձր գնահատանքի:

Մէկ անգամ եւս կը շնորհաւորեմ Ձեզ յոբելեանի առիթով եւ կը մաղթեմ խաղաղութիւն, քաջառողջութիւն, երկար   տարիներու կեանք ու մեծագոյն յաջողութիւններ Ձեզ եւ Ձեր բոլոր   հարազատներուն ու բարեկամներուն, զօրացում ու բարգաւաճում՝ մեր հերոսական ժողովուրդին ու   հայրենիքին». նշած է Բակօ Սահակեան:

LEAVE A REPLY

Please enter your comment!
Please enter your name here