ԳԵՐՄԱՆԻԱ ՔԱՌՈՐԴ ԱՒԱՐՏԱԿԱՆԻՆ ՊԻՏԻ ՃԱԿԱՏԻ ՖՐԱՆՍԱՅԻ ԴԷՄ

0
159

ՄՈՆՏԻԱԼ 2014

ԳԵՐՄԱՆԻԱ – ԱԼՃԵՐԻԱ ՝ 2- 1

Մոնտիալ 2014-ի 1/16-րդ հանգրուանի նախավերջին օրուան վեջին հանդիպումը Փորթէ Ալեկրէյի «Էսթատիօ Փինիէրօ Պորպա»   մարզադաշտին մէջ իրարու դէմ հանեց Գերմանիան եւ Ալճերիան: Մրցումը տեղի ունեցաւ «Էսթատիօ Պէյրա Ռիօ» մարզադաշտին մէջ: Չորս անգամ Մոնտիալի եզրափակիչներուն   հասած Ալճերիոյ   հաւաքականը առաջին անգամ ըլլալով կը հասնէր 1/16-րդ հանգրուան: Սոյն հանդիպումը ալճերիացիներուն մօտ արթնցուց էր 1982-ի Մոնտիալին   համապատասխան   հանդիպումին տխուր յիշատակները: Գերմանիոյ հաւաքականը Ալճերիայէն 2-1 պարտութիւն կրելէ ետք, ոչ մարզավայել ընթացքով մը,   միտումնաւոր կերպով   1-0 պարտութիւն մը կրեց Աստրիայէն, որպէզի կանխէ ալճերիացիներուն   յառաջընթացը դէպի քառորդ աւարտական հանգրուան: Գերմանիոյ այժմու մարզիչ Եոաքիմ Լոու խուսափեցաւ պատասխանելու այս մասին լրագրողներուն ուղղած   հարցումներուն…: Հետաքրքրական է իմանալ, որ երկու հաւաքականներուն միջեւ նախապէս տեղի ունեցած երկու հանդիպումները վերջ գտած են ափրիկեան հաւաքականին յաղթանակով: Առաջինը՝ 1964-ին՝ 2-0, երկրորդը   1982-ին՝ 2-1: Գերմանացիները որոնք Մոնտիալի պատմութեան մէջ 18-րդ անգամ ըլլալով կը հասնէին 1/16-րդ հանգրուան, միայն մէկ անգամ չէին ապահոված քառորդ աւարտական հանգրուանի ուղեգիր՝ 1938-ին:

Մրցումը սկսաւ   բուռն պայքարով: Զոյգ խումբերը կորսնցուցին կոլ նշանակելու մէկէ աւելի առիթներ: Առաջին կիսախաղը վերջ գտաւ 0-0 հաւասարութեամբ: Երկրորդ կիսախաղին  պատկերը մնաց անփոփոխ: Մրցումին 90  վայրկեանները աւարտեցան հաւասարութեամբ: Երկարաձգումի երկրորդ վայրկեանին Անտրէ Շուրլի յառաջ մղեց Գերմանիան: Ալճերիա չընկճուեցաւ այս ցնցումէն: Սակայն   ժամանակի ընթացքին սկսաւ ցոյց տալ   յոգնութեան նշաններ: Մեսութ Օզիլ՝ 2-0-ի վերածեց հաշիւը: Մրցումի հաշուած վայրկեաններուն Ճապու՝   2-1-ի կրճատեց հաշիւը: Ի   վերջոյ, ճակատումը վերջ գտաւ՝ 2-1 Գերմանիոյ   յաղթանակով:

Այսպիսով Գերմանիոյ հաւաքականը հասաւ Մոնտիալ 2014-ի քառորդ աւարտականին: Անոր մրցակիցը պիտի ըլլայ Ֆրանսան:

Գերմանիա դաշտ ներկայացաւ հետեւեալ կազմով՝ Նոյէր, Մուսթաֆի(Խետիրա), Մերթսաքըր,Պոթենկ,Հովետէս, Լամ, Օզիլ, Շուայնշթայկր(Քրամըր), Քրուս, Կոցէ(Շուրլի), Միւլըր:

Ալճերիա դաշտ ներկայացաւ հետեւեալ կազմով՝ Ըմպոլհի,Մանտի, Պելքալէմ, Հալիչ(Պուղերա), Ղուլամ, Լասէն, Մուսթաֆա, Ֆեղուլի, Սուտանի(Ճապու), Թայտէր(Պրահիմի), Սլիմանի:

LEAVE A REPLY

Please enter your comment!
Please enter your name here