ՓԱՐԻԶ ԵՒ ՊԵՐԼԻՆ ԿԸ ՓՈՐՁԵՆ ՄԵՂՄԱՑՆԵԼ ՈՒՔՐԱՆԻՈՅ ՏԱԳՆԱՊԸ

0
175

Ուքրանիոյ նախագահ Փիոթր Փորոշենքօ մերժեց երկարաձգել արեւելեան Ուքրանիոյ մէջ հաստատուած զինադադարը, ընդգծելով, թէ բանակցութիւններու ճանապարհով խաղաղութեան հասնելու ճանապարհները փակուած են անջատողականներուն առջեւ. «Մենք պիտի յարձակինք եւ ազատագրենք մեր հողերը».յայտարարեց Փորոշենքօ   բանակի նորագիրներուն առջեւ: Ֆրանսայի արտաքին գործոց նախարար Լորան Ֆապիւս եւ անոր գերմանացի պաշտօնակիցը Ուալթըր Շթայնմայըր կը փորձեն   մեղմացնել լարուածութիւնը, որ արդէն իսկ հնձած է   վեց հարիւրէ աւելի քաղաքացիներու կեանքը:

Առ ի հակադարձութիւն Ուքրանիոյ նախագահին սպառնալիքներուն, Ռուսիոյ արտաքին գործոց նախարար Սերկէյ Լաւրով առաջարկեց   ԵԱՀԿ դիտորդներ   զետեղել ռուս-ուքրանական սահմանագիծին երկարութեան: Ռուսիոյ խորհրդարանի նախագահ Սերկէյ Նարաշքին ամբաստանեց Ուքրանիան եւ պահանջեց իսկական   զինադադար գոյացնել արեւելեան Ուքրանիոյ մէջ եւ դադրեցնել վայրագութիւնները:

Եւրոպական Միութեան անդամ երկիրներու դեսպանները Պրիւքսէլի մէջ քննարկեցին Ուքրանիոյ իրավիճակը:

LEAVE A REPLY

Please enter your comment!
Please enter your name here