Էդուարդ Նալբանդեանի Հանդիպումը ԵԱՀԿ Անդամ Պետութիւններու Դեսպաններուն Հետ

0
144

ԵՐԵՒԱՆ.– Երեւանի մէջ ԵԱՀԿ գրասենեակի ղեկավարին նախաձեռնութեամբ, Հայաստանի արտաքին գործոց նախարար Էդուարդ Նալբանդեան 1 Յուլիսին աշխատանքային ճաշ ունեցած է Հայաստանի մէջ հաւատարմագրուած ԵԱՀԿ անդամ պետութիւններու դեսպաններուն հետ:
Հանդիպման ընթացքին ամփոփուած են ԵԱՀԿ գործող նախագահ, Զուիցերիոյ նախագահ Տիտյէ Պուրքհալթըրի Հայաստան կատարած այցելութեան արդիւնքները, քննարկուած են ԵԱՀԿ օրակարգային հարցերը, անդրադարձ կատարուած է ԵԱՀԿ տարածաշրջանին մէջ եւ անմիջական հարեւանութեամբ տեղի ունեցող զարգացումներուն:
Նախարար Նալբանդեան ներկայացուցած է Հայաստանի եւ ԵԱՀԿ Մինսկի խումբի համանախագահներու միացեալ ջանքերը՝ ուղղուած ղարաբաղեան հիմնախնդրի խաղաղ կարգաւորման:
Հանդիպման օրակարգին վրայ էին ԵԱՀԿ տարածաշրջանին մէջ առկայ խնդիրները, անոնց հանգուցալուծման ուղիները եւ այդ գործընթացներուն մէջ ԵԱՀԿի դերակատարութիւնը:

LEAVE A REPLY

Please enter your comment!
Please enter your name here