Ուաշինկթըն Հանդիպելու Կոչ Կ՛ընէ Հայաստանի Եւ Ատրպէյճանի Նախագահներուն

0
124

ԵՐԵՒԱՆ, «Երկիր».- Միացեալ Նահանգներու արտաքին գործոց նախարարի Եւրոպայի եւ Եւրասիոյ հարցերու օգնականի տեղակալ Պրենթ Հարթլի, ելոյթ ունենալով Վիեննայի մէջ կայացող եւ ապահովական հարցերու նուիրուած ԵԱՀԿի խորհրդաժողովին ընթացքին՝ կոչ ըրած է Հայաստանին եւ Ատրպէյճանին աշխուժացնելու Արցախի հակամարտութեան կարգաւորման ուղղուած ջանքերը։
Ըստ ատրպէյճանական «Թուրան» լրատուական գօրծակալութեան՝ Հարթլի աւելցուցած է. «Յոյս ունինք, որ Հայաստանի ու Ատրպէյճանի նախագահները կ՛ընդունին Փարիզի մէջ մօտիկ ապագային հանդիպելու Ֆրանսայի նախագահ Ֆրանսուա Հոլանտի առաջարկը: Բանակցութիւնները աւելի առարկայական դարձնելու Զուիցերիոյ նախագահ Տիտիէ Պուրխալթերի կոչը եւս առիթ կ՛ընծայէ կողմերուն՝ խաղաղութեան գործընթացը արագացնելու»:
Հարթլի ընդգծած է, որ ժողովրդային դիւանագիտութեան ուղղութեամբ ջանքերը նոյնպէս կրնան օգնել հակամարտութեան կարգաւորման: Հարթլի աւելցուցած է, որ, Ամերիկան կը շարունակէ հաւատարիմ մնալ Արցախի հակամարտութեան խաղաղ կարգաւորման գործընթացին

LEAVE A REPLY

Please enter your comment!
Please enter your name here