ՊԵԼՃԻՔԱ ՎԵՐՋԱԿԷՏ ԴՐԱՒ ԱՄԵՐԻԿԵԱՆ ԵՐԱԶԻՆ

0
172

ՄՈՆՏԻԱԼ 2014

ՊԵԼՃԻՔԱ – ՄԻԱՑԵԱԼ ՆԱՀԱՆԳՆԵՐ՝ 2-1

Պահիայի «Արենա Ֆոնթէ Նովա» մարզադաշտին մէջ, 51227 մարզասէրներու ներկայութեան, Պելճիքայի եւ Միացեալ Նահանգներու միջեւ տեղի ունեցաւ Մոնտիալ 2014-ի 1/16-րդ հանգրուանի վերջին հանդիպումը: Նախքան   մրցումը, պելճիքացիները կ’աղօթէին որ խմբապետ Վինսէնթ Գոմփանի եւ յետսապահ   Թոմաս   Վերմալէն   յաղթահարեն իրենց վնասուածքները եւ ներկայանան դաշտ: Անոնց մաղթանքները իրականացան:Սակայն Պելճիքայի կազմէն կը բացակաէյին Սթիվըն Տեֆուրը(պատժուած) եւ Անթոնի Պորը (վնասուածք):

Միացեալ Նահանգներու եւ Պելճիքայի միջեւ առաջին հանդիպումը տեղի ունեցած է 1930-ի Մոտիալին եւ աւարտած է 3-0 Միացեալ Նահանգներու յաղթանակով:Սոյն հանդիպումէն ետք տեղի ունեցած չորս ճակատումները վերջ գտած են Պելճիքայի   յաղթանակով:

Պէտք է ընդունիլ, որ   զոյգ հաւաքականները առաջին իսկ վայրկեանէն դաշտ ներկայացան յաղթանակ ապահովելու վճռակամութեամբ: Ճիշդ այդ պատճառով ալ   մարզասէրները վայելեցին յարձակողական ոճի ֆութպոլի գեղեցիկ մրցում մը: Առաւելութիւնը անշուշտ   պելճիքացիներուն կողմն էր: Միացեալ Նահանգներու բերդապահ Թիմ Հաուըրտ առնուազն տասը անգամ հակառակորդ խումբի   յարձակողներուն դէմ մէն մինակ   մնալով փրկեց կացութիւնը:   Մրցումին 90 վայրկեանները վերջ գտան   0-0 հաւասարութեամբ: Յետ երկարաձգումի   երրորդ վայրկեանին, Տը Պրիւն գնդակը ստանալով Լուքաքույէն, նշանակեց Պելճիքայի եւ մրցումին առաջին կոլը: 105-րդ վայրկեանին, Լուքաքու կրկնապատկեց   հաշիւը: 107-րդ վայրկեանին, դաշտ նոր ներկայացած Կրին կրճատեց պելճիքացիներուն առաւելութիւնը: Մրցումը վերջ գտաւ 2-1՝ Պելճիքայի յաղթանակով:

Պելճիքա դաշտ ներկայացաւ հետեւեալ կազմով՝ Քուրթուա, Ալտերուէյրելտ, Վան Պույթէն, Քոմփանի, Վերթոնկէն,   Ուիցէլ, Ֆելայինի, Տը Պրիւն, Մերթէնզ(Միրալաս), Օրիկի(Լուքաքու), Հազարտ(Չատլի):

Միացեալ Նահանգներ դաշտ ներկայացաւ հետեւեալ կազմով՝ Հաուըրտ, Կոնզալէս, Պրետլի, Պեսլըր, Պիսլի, Տեմսի, Պետոյա(Կրին), Ճոնզ, Զուսի(Ուոնտոլովսքի), Գամերոն, Ճոնսըն (Ետլին):

LEAVE A REPLY

Please enter your comment!
Please enter your name here