ԼԻԲԱՆԱՆԵԱՆ ԿԱՐՃ ԼՈՒՐԵՐ

0
121

–         Լիբանանեան խորհրդարանին կից պահակագունդի կրպակին մէջ անակնկալ հրդեհ մը ծագեցաւ երէկ առաւօտեան: Հրշէջները անմիջապէս հասան հրդեհին վայրը եւ մարեցին զայն:

–         Զինուորական ատեանի   դատախազ Իմէտ Զէյն աւարտեց «Քաթայէպ Ապտալլա Ազամ» ահաբեկչական խմբաւորումի պատասխանատուներէն Ճամալ Տաֆթարտարի հետ հարցաքննութիւնները եւ թղթածրարը փոխանցեց   հետաքննիչ ատեանին:

–         Խորհրդարանական ելեւմտական հարցերու յանձնախումբը երեսփոխան Իպրահիմ Քանաանի գլխաւորութեամբ յառաջիկայ Երեքշաբթի առաւօտեան ժամը 10.30-ին պիտի գումարէ նիստ մը:

–         Մուսթաքպալ Հոսանքի պետ Ֆուատ Սինիորա դատապարտեց Երուսաղէմի մէջ իսրայէլեան բանակին կողմէ պաղեստինցի պատանի Մահմուտ Ապու Խըտրի վայրագ սպանութիւնը: Սինիորա դատապարտեց Իսրայէլի ցեղապաշտական քաղաքականութիւնը: Ան պահանջեց ոչ միայն դատապարտել Ապու Խըտրի ոճիրը, այլեւ գործնական միջոցներով կանխել Իսրայէլի ոճիրները եւ կասեցնել    բնակութեան ծրագիրները:

–         Սենտիքայական համակարգումի խորհուրդը Թրիփոլիի մէջ գումարեց ընդլայնուած նիստ մը եւ քննարկեց  ուսուցիչներուն պահանջները: Սեփական վարժարաններու սենտիքայի միութեան նախագահ   Նաամէ Մահֆուտ յայտարարեց, թէ     ուսուցիչները պիտի չսրբագրեն պետական քննութիւններու հարցարանները: Մահֆուտ աւելցուց .« Այսօր թող որոշեն աշխատավարձերու յաւելումները, վաղն իսկ կ’իջնենք աշխատանքի»:

LEAVE A REPLY

Please enter your comment!
Please enter your name here