Հայաստանը Եվրասիականին կմիանա հոկտեմբերին. Ղազախստանի արտգործնախարար

0
79

Հնարավոր է՝ Հայաստանը Եվրասիական տնտեսական միությանը միանալու մասին համաձայնագիրը ստորագրի հոկտեմբերին: Այս մասին հայտարարել է Ղազախստանի արտգործնախարար Եռլան Իդրիսովը, հաղորդում է «Ինտերֆաքս-Ղազախստան» գործակալությունը:

«Փաստաթղթերի ստորագրումը, ամենայն հավանականությամբ, տեղի կունենա հոկտեմբերին Մոսկվայում՝ Եվրասիական տնտեսական միության անդամ պետությունների ղեկավարների գագաթաժողովին»,- ասել է Իդրիսովը:

ՀՀ արտգործնախարարության մամուլի, տեղեկատվության և հասարակայնության հետ կապի վարչությունից ՍիվիլՆեթին տեղեկացրին, որ Հայաստանի` Եվրասիական տնտեսական միությանը միանալու «ժամկետները ճշգրտվում են, և դրանց մասին լրացուցիչ կտեղեկացվի»:

Ավելի վաղ Ռուսաստանի նախագահ Վլադիմիր Պուտինը հույս էր հայտնել, որ «Հայաստանը ամենամոտ ապագայում կդառնա Եվրասիական տնտեսական միության լիարժեք անդամ»:

Մայիսի 29-ին Աստանայում Հայաստանի նախագահ Սերժ Սարգսյանը հայտարարել էր, որ Հայաստանը մտադիր է Եվրասիական տնտեսական միության ստեղծման մասին պայմանագրին միանալ մինչև հունիսի 15-ը:

LEAVE A REPLY

Please enter your comment!
Please enter your name here