ՈՒԱՇԻՆԿԹԸՆ ԿԸ ՄԵՐԺԷ ՃԱՆՉՆԱԼ ՔԻՒՐՏԻՍՏԱՆԻ ԱՆԿԱԽՈՒԹԻՒՆԸ

0
154

Սպիտակ Տան խօսնակ Ճոշ Ըրնեսթ յայտարարեց, թէ Միացեալ Նահանգներ կը մերժէ Քիւրտիստանը անկախ պետութիւն յայտարարելու Մասուտ Պարզանիի   հրաւէրը: Ըրնեսթ դիտել տուաւ, որ Իրաքը շատ աւելի զօրաւոր պետութիւն մըն է իր ամբողջականութեան մէջ, քան՝ բաժնուած: Ան, ժողովրդավար, գերիշխան եւ ամբողջական Իրաք մը   ձեւաւորելու կոչ ուղղեց Իրաքի  քաղաքական բոլոր կողմերուն:

Վարչապետ Նուրի Մելիքի յայտարարեց, թէ յուսախաբութեան պիտի չմատնէ զինք ընտրող զանգուածներուն: Մելիքի շեշտեց, թէ   Իրաքի ժողովուրդը կատարած է իր ընտրանքը:

Քիւրտիստանի ինքնավար շրջանի նախարար Քոհարտ Հիքմէթ յայտարարեց, թէ վարչապետ Նուրի Մելիքիին բազմիցս զգուշացուցած են Տաաշի սպառնալիքներուն մասին, սակայն Մելիքի   հաւատք չէր ընծայեր իրեն   փոխանցուող տեղեկութիւններուն: Իրաքեան բանակը հաղորեց, թէ   մեծ թիւով Տաաշի զինեալներ չէզոքացուցած են վերջին օրերուն:

LEAVE A REPLY

Please enter your comment!
Please enter your name here