ՄՈՆՏԻԱԼ 2014 – ԱՐԺԱՆԹԻՆ ԵՒ ՀՈԼԱՆՏԱ ՀԱՍԱՆ ԿԻՍԱՒԱՐՏԱԿԱՆ ՀԱՆԳՐՈՒԱՆ

0
165

ԱՐԺԱՆԹԻՆ – ՊԵԼՃԻՔԱ` 1-0

Արժանթինի հաւաքականը 1990-էն ետք առաջին անգամ ըլլալով   հասաւ Մոնտիալի կիսաւարտական հանգրուանը: Կոնզալօ Հիկուայինի   8-րդ վայրկեանին նշանակած կոլը բաւարար էր պարտութեան մատնելու Պելճիքան: Կիսաւարտականին, Արժանթինի մրցակիցը պիտի   ըլլայ Հոլանտան: Այսուհանդերձ, Աշխարհի երկակի ախոյեանները   բաւական հեռու էին իրենց լաւագոյն մարզավիճակէն: Յատկանշական էր,որ   Մոնտիալ 2014-ի ընթացքին, Արժանթինի արձանագրած բոլոր յաղթանակները վերջ գտած են միեւնոյն՝ 1-0 արդիւնքով: Պելճիքայի կիրարկած խաղէն կը բացակայէր ներդաշնակութիւնը: Հանդիպումը՝ Լիոնէլ Մեսիի 91-րդն էր Արժանթինի շապիկով: Ան հաւասարեցաւ   Տիէկօ Մարատոնայի կատարած մրցումներուն: Մեսի նշանակած է   42 կոլ, Մարատոնա՝ 34: Յաղթանակէն աւելի,   մարզասէրները գնահատեցին Մեսիի ցուցադրած բարձրորակ խաղարկութիւնը, որ շատ հաւանաբար Արժանթինի պարագային դառնայ Մոնտիալը երրորդ անգամ շահելու բանալին: Յատկանշական այլ տուեալ մը՝ Մոնտիալի պատմութեան մէջ առաջին անգամ ըլլալով Պրազիլ եւ Արժանթին միաժամանակ կը հասնին կիսաւարտական հանգրուան:

«Էսթատիօ Նասիոնալ Տը Պրազիլիա» մարզադաղտին մէջ, Շաբաթ երեկոյեան, 68551 մարզասէրներու ներկայութեան, իտալացի իրաւարար Նիքոլա Ռիզոլի տուաւ Արժանթինի եւ Պելճիքայի միջեւ քառորդ աւարտականի   հանդիպումին ազդանշանը: Նշենք, թէ Ալեխանտրօ Սապելլայի   կազմը նախորդ հանգրուանին մեծ դժուարութեամբ պարտութեան մատնած էր Զուիցերիան: Պելճիքայի դէմ մրցող Արժանթինի կազմէն կը բացակայէին յետսապահ Մարքոս Ռոխօն, յարձակող Սերժիօ Ակուերօն: Միւս կողմէ, կարճ ապաքինումէ մը ետք,Պելճիքայի կազմին կը վերադառնար յետսապահ Իան Վերմալէնը:

Նախապէս, ֆութպոլի ի պատմութեան մէջ Արժանթին չորս անգամ հանդիպած է Պելճիքայի դէմ: Երեք   յաջորդական յաղթանակներու ընթացքին, Արժանթին՝ տասը կոլ նշանակած է եւրոպական հաւաքականին բերդին մէջ: Մէկ յաղթանակ արձանագրած է Պելճիքան: Սակայն Մոնտիալի   պատմութեան մէջ, իւրաքանչիւրը արձանագրած է մէկ յաղթանակ: Անոնց միջեւ վերջին հանդիպումը տեղի ունեցած էր 1986-ի Մոնտիալին:

Արժանթին դաշտ ներկայացաւ հետեւեալ կազմով՝ Ռոմերօ, Զապալեթա,Պասանթա,Մասչերանօ, Տեմիքելիս,Կարայ, Տի Մարիա(Փերէզ), Պիկլիա, Հիկուային(Կակօ), Մեսի, Լաւեզի( Փալասիօ):

Պելճիքա դաշտ ներկայացաւ հետեւեալ կազմով՝ Քուրթուա,Ալտերուիյրլտ, Վերթոնկէն,Ուիցէլ,Վան Պույթէն, Քոմփանի,Միրալա (Մերթենս),Ֆելայինի, Օրիկի(Լուքաքու), Տը Պրիւն, Հազարտ (Չատլի):

LEAVE A REPLY

Please enter your comment!
Please enter your name here