ԱՐՍԷԼ ԲԱՆԱԿԻ ՀՍԿՈՂՈՒԹԵԱՆ ՃԱՆԱՊԱՐՀԻՆ ՎՐԱՅ

0
145

 Արսէլէն սուրիացի ընտանիքներու հոսքը կը շարունակուի Սուրիոյ ուղղութեամբ:Բանակը, ապահովական պատճառներով արգիլեց ընտանիքներու մուտքը Արսէլ: Բանակը, Արսէյլի մէջ ձերբակալեց արձակազէն մը եւ  խուզարկեց սուրիացի գաղթականները գտնուող շրջանները   եւ կատարեց ձերբակալութիւններ: Նշենք,թէ ահաբեկիչները պատանդ վերցուցած են 22 բանակային եւ ներքին ապահովութեան ուժերու 17 անդամ: Կարգ մը տեղեկութիւններու համաձայն, իսլամիստները կը փորձեն Ռումիյէ բանտին մէջ իրենց զինակիցներուն հետ փոխանակել   պատանդները:

Խորհրդարանի նախագահ Նեպիհ Պըրրի յայտարարեց, թէ Արսէլի   դէպքերը եկան ապացուցելու, թէ յետ այսու անհրաժեշտ է տարբեր ձեւով վարուիլ Սուրիայէն Լիբանան ապաստանող գաղթականներուն հետ:

Վարչապետ Թամամ Սալամ յայտարարեց, թէ   անհրաժեշտ է աւելի ազդու դարձնել Արսէլի ապահովական դրութիւնը, որպէսզի նոյն սենարիօն չկրկնուի յառաջիկային:

Բանակի   ընդհանուր հրամանատար զօրավար Ժան Քահուաճի   հեռախօսազրոյց մը   ունեցաւ   Ֆրանսայի պաշտպանութեան նախարար Ժան Էվ Լոտրիանի հետ եւ քննարկեց լիբանանեան բանակին խոստացուած ռազմական օժանդակութիւնները շուտափոյթ արագելու կարելիութիւնները: Ընդհանուր անվտանգութեան ընդհանուր տնօրէն, հազարապետ Ապպաս Իպրահիմ յայտարարեց, թէ   ահաբեկչութիւնը պատերազմ յայտարարած է Լիբանանի դէմ: Երեսփոխան Սամիր Ճըսր   յայտարարեց, թէ ոչ ոք կրնայ երաշխաւորել, թէ զինեալները պիտի չվերադառնան Արսէլ եւ անոր շրջապատի գիւղերը: Ականատեսներ կը վկայեն, թէ Տաաշի զինեալներ քաղաքացիի   զգեստներով կը շրջին Արսէլի մէջ:

 

LEAVE A REPLY

Please enter your comment!
Please enter your name here