ԵՐԵՔ ՏԱՐՈՒԱՆ ԲԱՑԱԿԱՅՈՒԹԵՆԷ ԵՏՔ ՍԱԱՏ ՀԱՐԻՐԻ ՎԵՐԱԴԱՐՁԱՒ ԼԻԲԱՆԱՆ

0
109

Քաղաքական բեմի մեծագոյն իրադարձութիւնը անկասկած երեք տարի բացակայութենէ ետք, Սաատ Հարիրիի վերադարձն էր Պէյրութ: Հարիրի Պէյրութ ժամանելէ անմիջապէս ետք այցելեց վարչապետարան եւ   հանդիպում մը ունեցաւ վարչապետ Թամամ Սալամի հետ: Այս առիթով ան յայտարարեց, թէ երկարատեւ այցելութեամբ վերադարձած էր Պէյրութ, նաեւ՝ բանակին համար սէուտական օժանդակութիւնը գործնապէս իրականացնելու նպատակով: Հարիրի այցելեց նահատակ վարչապետ Ռաֆիք Հարիրիի   դամբարանը:Հարիրի Պէյրութ վերադառնալու առիթով սատացաւ բարի գալուստի բազմաթիւ հեռաձայններ: Հարիրի   յաջորդաբար ընդունեց   Լիբանանի մօտ Միացեալ Նահանգներու դեսպան Տէյվիտ Հէյլը, Սէուտական Արբաիոյ դեսպան Ալի Աուատ Օսէյրին, Մուսթաքպալ Հոսանքի պետ Ֆուատ Սինիորան, ներքին գործոց նախարար Նիհատ Մաշնուքը, այլ նախարարներ, երեսփոխաններ եւ անձնաւորութիւններ:

Քաղաքական մեկնաբաններ դիտել կու տան, թէ Հարիրիի ժամանումը   դրական ազդեցութիւն պիտի ունենայ նախագահական ընտրութիւններու գործընթացին վրայ: Շատերու կարծիքով, Լիբանան   կրնայ իսկապէս նոր նախագահ մը ունենալ յառաջիկայ Երեքշաբթի օրուան   խորհրդարանի նիստին: Մարոնիներու Պշարա Ռայի գարտինալը մաղթեց,որ Հարիրիի վերադարձը դառնայ Լիբանանեան տագնապէն դուրս գալու նախանշան:

LEAVE A REPLY

Please enter your comment!
Please enter your name here