ՀՐԹԻՌԱՐՁԱԿՈՒՄԸ ՎԵՐՍԿՍԱՒ ԿԱԶԱՅԻ ԵՒ ԻՍՐԱՅԷԼԻ ՄԻՋԵՒ

0
99

Իսրայէլի եւ Համասի միջեւ նախապէս հաստատուած եռօրեայ   զինադուլը վերջ գտաւ երէկ առաւօտեան: Զինադադարը   վերջ գտած պահուն ահազանգներ հնչեցին Կազայի   բոլոր շրջաններուն մէջ: Համասի   պատասխանատու մը յայտարարեց, թէ պաղեստինեան հատուածները պիտի մերժեն երկարաձգել զինադադարը, որովհետեւ Իսրայէլ կը մերժէ   Կազայի շրջափակումը ջնջելու առաջարկը:

Իսրայէլեան բանակի խօսնակ մը յայտնեց,թէ Կազայէն քսան հրթիռ արձակուած է Աշքոլի ուղղութեամբ: Վարչապետ Պենիամին Նեթանիահու   հրահանգեց անմիջապէս   հակադարձել   հրթիռարձակումներուն: Իսրայէլեան հրետանին եւ օդուժը սկսան ռմբակոծել Կազայի կարգ մը շրջաններ: Պէն Կորիոն միջազգային օդանաւակայանը ժամանակաւորապէս   դադրեցաւ ընդունելու վայրէջք կատարող օդանաւեր:

Բանակցութիւններու գետնի վրայ, Իսրայէլ առաջարկեց 15 գերի եւ ութ պաղեստինցիներու դիակ յանձնել Համասին, երկու իսրայէլացի զինուորներու դիակին փոխարէն:

LEAVE A REPLY

Please enter your comment!
Please enter your name here