ԼԻԲԱՆԱՆԵԱՆ ԿԱՐՃ ԼՈՒՐԵՐ

0
97

–         Շէյխ Ապտէլ Լաթիֆ Տըրիան, 61 տարեկան,   ընտրուեցաւ հանրապետութեան նոր միւֆթի: Ան ստացաւօրինական  93 քուէներուն 74-ը: Նորընտիր միւֆթին իր առաջին յայտարարութեան մէջ շեշտեց միասնականութիւնը եւ ըսաւ, թէ յետ այսու կարելիութիւն պիտի չըլլայ ճեղքեր բանալու սիւննի համայնքէն ներս:

–         -Լիբանանեան Ուժեր Կուսակցութեան գործադիր խորհուրդի պետ Սամիր Ժաաժա   դատապարտեց Մարտ 14-ի   ընդհանուր քարտուղարութեան անդամ Նաուֆալ Տաուի վրայ յարձակումը: Ժաաժա, իշխանութիւններէն պահանջեց բացայայտել յանցագործներուն ինքնութիւնը: Նշենք, թէ Տաու, զինեալ յարձակումի մը ենթարկուեցաւ Պեքաայի Թիպէ գիւղին մէջ:

–         Կրթական նախարար Իլիաս Ապուսաապ յայտարարեց, թէ ուսուցիչները սկզբունքով այսօր պիտի սկսին սրբագրել   պետական քննութիւնները: Նախարարը ըսաւ,թէ աշխատավարձերու թղթածրարին լաւագոյն լուծումը պիտի ըլլայ խորհրդարանական   օրէնսդիր նիստը:

–         Ելեկտրական ընկերութեան սարակները Լիբանանի բոլոր շրջաններուն մէջ փակեցին հաստատութեան դուռերը եւ արգիլեցին պաշտօնեաներու մուտքը: Սարակները նաեւ փակեցին Քորնիշ Նահրի ելեկտրականութեան շէնքը, պահանջելով որ պետութիւնը աւելի մեծ թիւով սարակներ ընդունի  պետական պաշտօնէութեան ցանցին մէջ:

–         Մուսթաքպալ Հոսանքի   նախագահ   Ֆուատ Սինիորա մեկնեցաւ Գահիրէ :

LEAVE A REPLY

Please enter your comment!
Please enter your name here