ԼԻԲԱՆԱՆԵԱՆ ԿԱՐՃ ԼՈՒՐԵՐ

0
130

-Կրթական նախարար Իլիաս Պուսաապ երէկ առաւօտեան հանդիպում մը ունեցաւ համակարգումի խորհուրդի ներկայացուցիչներուն հետ,ապա մամլոյ ասուլիս մը կնքեց: Պուսաապ յայտնեց, թէ   պետական քննութիւններու մասնակցող ուսանողներուն վկայագիր   յանձնելու որոշումը յետաձգած է   Աստուածածնի տօնէն ետք:

-Ելեկտրականութեան ընկերութեան սարակները երէկ առաւօտեան փակեցին նախարարութեան շէնքը տանող ճանապարհները եւ նստացոյց մը կատարեցին նախարարութեան շէնքին առջեւ: Սարակները կը պահանջեն,որ   կառավարութիւնը աւելցնէ ընկերութեան մօտ արձանագրուած մնայուն պաշտօնեաներու թիւը:  

– Երեսփոխան Նիքոլա Ֆաթուշ ներկայացուց խորհրդարանին   պաշտօնավարութեան ժամկէտը երկու տարի եւ եօթ ամիս երկարաձգելու   նախագիծ մը: Խորհրդարանական աղբիւրներ կը յայտնեն,թէ Մարտ 14-ի ուժերը կը փափաքին միայն մէկ տարիով երկարաձգել ժամկէտը:

-Լիբանանի համար ստեղծուած Միջազգային Ատեանի խօսնակ Մարթին Եուսէֆ ներկայացուց իր հրաժարականը: Լրագրողներուն յղուած նամակի մը մէջ, Եուսէֆ յայտնեց, թէ հրաժարականին պատճառները զուտ անձնական բնոյթ կը կրեն:

-Պաշտպանութեան նախարար Սամիր Մուքպէլ ընդունեց Լիբանանի մօտ Բրիտանիոյ դեսպան Թոմ Ֆլեչըրը: Վերջինս խոստացաւ   յաւելեալ   օժանդակութիւններ   յատկացնել լիբանանեան բանակին:

-Աստուածածնի տօնին առիթով, համաձայն մամլոյ սենտիքայի որոշումին, մամուլը՝ Ուրբաթ, 15 Օգոստոսին պիտի ունենայ միօրեայ արձակուրդ:

LEAVE A REPLY

Please enter your comment!
Please enter your name here