ԲԱՆԱԿԸ ՍՏԱՑԱԾ ԱՄԵՐԻԿԵԱՆ ՕԺԱՆԴԱԿՈՒԹԻՒՆՆԵՐՈՒ ԱՌԱՋԻՆ ՄԱՍԸ

0
105

Վարչապետ Թամամ Սալամ վարչապետարանին մէջ ընդունեց Լիբանանի մօտ Միացեալ Նահանգներու դեսպան Տէյվիտ Հէյլը եւ քննարկեց   բանակին յանձնուելիք օժանդակութիւնները: Հանդիպման նաեւ մասնակցեցաւ պաշտպանութեան նախարար Սամիր Մուքպէլը: : Սալամ յայտնեց, թէ Լիբանան կ’ողջունէ բանակին համար որեւէ օժանդակութիւն: Դեսպանը Սալամին խոստացաւ անմիջական օժանդակութիւններ հայթայթել լիբանանեան բանակին:Լրատուական աղբիւրներ հաղորդեցին, թէ բանակը արդէն իսկ ստացած է ամերիկեան օժանդակութիւններու առաջին մասը:

Լիբանանեան կառավարութիւնը երէկ առաւօտեան վարչապետարանին մէջ   գումարեց   ընթացիկ նիստ մը, վարչապետ Թամամ Սալամի գլխաւորութեամբ:   Օրակարգերու բազմազանութեան պատճառով,   Սէուտական Արաբիոյ կողմէ օժանդակութիւններու բաշխման հարցը որոշուեցաւ քննարկել անջատ նիստի մը ընթացքին: Խորհրդարանական հարցերու պետական նախարար Մուհամմէտ Ֆընէյշ   ողջունեց   բանակին   համար կատարուող   օժանդակութիւնները: Կառավարութիւնը ընդհանուր գիծերու մէջ քննարկեց զինեալ կազմակկերպութիւններու մօտ առեւանգուած կամ պատանդ վերցուած զինուորականներուն հարցը: Կառավարութիւնը նաեւ քննարկեց   Իրաքի քրիստոնեաներուն իրավիճակը եւ միջազգային   ընտանիքէն պահանջեց անմիջական   քայլերով   երաշխաւորել անոնց անվտանգութիւնը: Կառավարութիւնը   զօրակցութիւն յայտնեց   պետական քննութիւններու մասնակցող ուսանողներուն վկայագիր փոխանցելու կրթական նախարարի որոշումին:

Մուսթաքպալ   Հոսանքի աղբիւրներ յայտնեցին, թէ Սաատ   Հարիրի պիտի վերադառնայ Պէյրութ, սակայն անոր վերադարձին թուականը ցարդ կը մնայ անորոշ:Լրատուական աղբիւրներու համաձայն, Սաատ Հարիրի, Պէյրութ վերադառնալէ ետք այցելութիւն մը պիտի տայ Ռապիյէ եւ հանդիպում մը պիտի ունենայ   Միշէլ Աունի հետ: Սակայն   քաղաքական մեկնաբաններու կարծիքով, խնդրոյ առարկայ   հանդիպումը կրնայ ուշանալ,   նոյնիսկ Հարիրիի վերադարձէն   ետք:

Լիբանանեան բանակի ընդհանուր հրամանատար զօրավար Ժան Քահուաճի յայտարարեց, թէ Արսէլ վերադարձաւ   օրինականութեան գիրկը: Այս առիթով, ան յայտնեց,թէ   կորսուած կամ առեւանգուած բանակայիններուն թիւը կը հաշուէ քսան:Քահուաճի մտահոգութիւն յայտնեց կորսուած բանակայիններուն ճակատագիրին: Ներքին գործոց նախարար Նիհատ Մաշնուք յայտնեց,թէ կրօնաւորներու եւ   ահաբեկիչներուն միջեւ բանակցութիւնները ժամանակի կը կարօտին: Նախարարը նշեց,թէ կորսուած   բանակայիններուն   հարցը կը քննարկուի   համերատարութեամբ: Ընդհանուր անվտանգութեան ընդհանուր տնօրէն հազարապետ Ապպաս Իպրահիմ պատրաստակամութիւն յայտնեց մասնակցելու բանակայինները ազատ արձակելու բանակցութիւններուն: Ան   նշեց, թէ անորոշութիւն կը տիրէ   ահաբեկիչներուն ներկայացուցած պայմաններուն շուրջ: Լրատուական աղբիւրներ հաղորդեցին,թէ Ապու Հասան անունը կրող պաղեստինեան խմբաւորում մը   պատանդ վերցուցած է բանակային եւ ազատ արձակելու համար կը պահանջէ , որ կառավարութիւնը ազատ արձակէ    իր կազմակերպութեան անդամ տասը    բանտարկեալ:

LEAVE A REPLY

Please enter your comment!
Please enter your name here