Մարդկային Իրաւանց Դէտը Կոչ Կ՛ընէ Ատրպէյճանը Վտարելու Միջազգային Կազմակերպութենէն

0
155

Ատրպէյճանի կառավարութեան կողմէ իրաւապաշտպաններու եւ ոչ- կառավարական կազմակերպութիւններու նկատմամբ ճնշումները դատապարտելով՝ Մարդկային իրաւանց դէտ միջազգային կազմակերպութիւնը կոչ ըրած է Ատրպէյճանը վտարելու «Արդիւնահանողներու միջազգային թափանցիկութիւն» միջազգային կազմակերպութենէն։
Ատրպէյճան հիմնադիր անդամներէն մէկն է նշեալ կազմակերպութեան, որուն նպատակն է բնական հարստութեանց կառավարման մէջ թափանցիկութեան ապահովումը: Սակայն, Պաքու գործնականապէս դէմ կը կենայ այդ նպատակի իրագործման, երբ շարունակաբար ոչ-կառավարական կազմակերպութիւններու գործունէութիւնը սահմանափակող օրէնքներ կ՛որդեգրէ:
Ըստ ատրպէյճանական «Թուրան» լրատու գործակալութեան՝ Մարդկային իրաւանց դէտ կազմակերպութիւնը նշած է. «Ատրպէյճան լկտիաբար կը խախտէ միջազգային թափանցիկութեան կանոնները, եւ այդ կառոյցը պէտք չէ մեղսակից ըլլայ նման կեղծաւորութեանց»:

LEAVE A REPLY

Please enter your comment!
Please enter your name here