ՆԱԽ ԽՈՐՀՐԴԱՐԱՆԻ ԵՐԿԱՐԱՁԳՈՒՄ ԱՊԱ՝ ՆԱԽԱԳԱՀԻ ԸՆՏՐՈՒԹԻՒՆ

0
117

Վերջին օրերուն, նախագահական ընտրութիւններու սակարանին մէջ յաւելեալ լուսարձակներու տակ առնուած են բանակի ընդհանուր հրամանատար,զօրավար Ժան Քահուաճիի, Լիբանանի Կեդրոնական Դրամատան ընդհանուր կառավարիչ Ռիատ Սաթամէի եւ   նախկին նախարար Ժան Օպէյտի անունները: Սակայն քաղաքական դէտերուն կարծիքով, նախագահական ընտրութիւնները պիտի կայանան խորհրդարանի պաշտօնավարութեան ժամկէտը երկարաձգելէ ետք: Քաղաքական ուժերու մեծամասնութիւնը արդէն իսկ կանաչ լոյս տուած է երկարաձգումի առաջարկին:

Գալով լիբանանեան բանակին խոստացուած երեք միլիառ տոլարի սէուտական   օժանդակութեան, բանակը Ֆրանսային ներկայացուցած է   իրեն անհրաժեշտ զէնքերուն ցուցակը: Ըստ երեւոյթին, Ֆրանսա տրամադրուած է հին զէնքեր յանձնելու բանակին,որոնց   վերանորոգութեան համար, բանակը պիտի գտնուի տարեկան յիսուն միլիոն եուրօ արժողութեամբ գումար   մը ծախսելու ստիպողութեան տակ:

Ապահովական գետնի վրայ, կարգ մը օրաթերթեր կը   նշեն,թէ Լիբանանի քրիստոնեաները աննախընթաց   քայլամիջոցներու սկսած են դիմել՝ Տաաշի կողմէ չկանխատեսուած   յարձակումներու առաջքը առնելու մտահոգութեամբ: Ինչ կը վերաբերի ծայրայեղականներու կողմէ պատանդ   վերցուած զինուորականները ազատ արձակելու բանակցութիւններուն, անվտանգութեան մարմիններ կը հաւաստեն,թէ բանակցութիւններու ընթացքը հետզհետէ կը   դժուարանայ:

LEAVE A REPLY

Please enter your comment!
Please enter your name here