Օպամա Պէտք Է Ատրպէյճանցի Արձակազէններու Հեռացումը Ապահովէ. Ռոյս

0
145

ՈՒԱՇԻՆԿԹԸՆ.- Միացեալ Նահանգներու Ներկայացուցիչներու տան Արտաքին յարաբերութիւններու յանձնախումբի ատենապետ Էտ Ռոյս յայտարարութեամբ մը հանդէս եկած է Լեռնային Ղարաբաղի հակամարտութեան գօտիին վրայ լարուածութեան շիկացման վերաբերեալ՝ դատապարտելով Պաքուի բռնարարքները:
«Ատրպէյճանի կողմէ հրադադարի պայմաններու խախտումները՝ Լեռնային Ղարաբաղի սահմանի երկայնքով, խորապէս մտահոգիչ են: Ռազմական գործողութիւններու սաստկացումը խլած է տասնեակ հայ եւ ատրպէյճանցի երիտասարդներու կեանքերը: Օպամայի վարչակազմը պէտք է քայլերու դիմէ՝ խրախուսելու համար հրադադարի վերականգնումը եւ ստիպելու Ատրպէյճանը, որ շփման գիծին վրայ իր արձակազէնները հեռացնէ եւ խթանէ խաղաղութեան ծրագիրը, որուն մէջ պէտք է ներառուի նաեւ Լեռնային Ղարաբաղի ժողովուրդի հանրաքուէի յստակ օրը՝ որոշելու համար իրենց ապագան», նշած է Ռոյս:
Ամերիկայի Հայ Դատի յանձնախումբի գործադիր վարիչ Արամ Համբարեան շնորհակալութիւն յայտնած է Ռոյսին, միաժամանակ կոչ ընելով Օպամայի վարչակազմին՝ հետեւելու քոնկրեսականի խորհուրդներուն:

 

LEAVE A REPLY

Please enter your comment!
Please enter your name here