ԳԱՀԻՐԷ ԿԸ ՓՈՐՁԷ ԱՄԲՈՂՋԱԿԱՆ ՀԱՄԱՁԱՅՆՈՒԹԻՒՆ ԳՈՅԱՑՆԵԼ ԿՈՂՄԵՐՈՒՆ ՄԻՋԵՒ

0
117

Գահիրէի մէջ երէկ վերսկսան իսրայէլապաղեստինեան անուղղակի բանակցութիւնները: Գահիրէ կը փորձէ կողմերը   համոզել կնքելու զինուորական գործողութիւնները վերջնականապէս դադրեցնելու համաձայնութիւն մը: Վարչապետ Պենիամին Նեթանիահու յայտնեց,թէ պիտի մերժէ Իսրայէլի ներկայացուցած պայմաններուն յստակ պատասխան չտուող համաձայնութիւնները: Համասի ներկայացուցիչ Սամի Ապու Զահրի պատասխանելով Նեթանիահուիի սպառնալիքներուն, ըսաւ, թէ Իսրայէլի պայմաններէն առաջ,  նախ պաղեստինցիները՝ իբրեւ ժողովուրդ պէտք է զգան   խաղաղութեան իրողութիւնը,ապա անհրաժեշտ է ջնջել Կազայի շրջափակումը:

Պաղեստինեան աղբիւր մը հաղորդեց,թէ Իսրայէլ՝ որոշ պայմաններու տակ, ձկնորսութեան արտօնութիւն շնորհած է   Կազայի բնակիչներուն:

Պաղեստինեան Իշխանութեան նախագահ Մահմուտ Ապպաս երէկ առաւօտեան մեկնեցաւ Քաթար: Պաղեստինեան Իշխանութեան առողջապահութեան նախարարութիւնը յայտարարեց, թէ Կազայի   վրայ իսրայէլեան յարձակումին   զոհերուն թիւը անցաւ 2000-ը:

LEAVE A REPLY

Please enter your comment!
Please enter your name here