ԼԻԲԱՆԱՆԵԱՆ ԿԱՐՃ ԼՈՒՐԵՐ

0
128

–         Հանրապետութեան նախկին նախագահ Եարզէի իր ապարանքին մէջ   ընդունեց Մուսթաքպալ Հոսանքի պետ Ֆուատ Սինիորան եւ քննարկեց ներլիբանանեան բեմին վերջին զարգացումները:

–         Սեփական վարժարաններու ուսուցիչներու սենտիքայի   նախագահ Նաամէ Մահֆուտ յայտարարեց, թէ պիտի չարտօնէ, որ աշխատավարձերու յաւելումները հաստատուելէ առաջ , երկարաձգուի խորհրդարանին  պաշտօնավարութեան ժամկէտը: Ան ըսաւ, թէ կարգ մը ուսուցիչներ, պետական քննութիւնները սրբագրելու ցանկութիւն յայտնած են վերջին   օրերուն:  Մահֆուտ սպառնաց մագլցողական քայլերու դիմել,որպէսզի խորհրդարանը   վաւերացնէ յաւելումներու օրինագիծը:

–         Սենտիքայական համակարգումի խորհուրդի անդամ Հաննա Ղարիպ յայտնեց, թէ   կրթական տարեշրջանը պիտի սկսի սովորական թուականներուն, սակայն աշխատավարձերու յաւելումի   պահանջները պիտի շարունակուին:

–         Նախկին նախագահ Միշէլ Սըլէյման յայտարարեց, թէ բանակի ընդհանուր հրամանատարի պաշտօնը վարելու, ինչպէս նաեւ   հանրապետութեան նախագահութեան  ժամանակաշրջանին բանակը   ոչ մէկ օժանդակութիւն ստացած է   օտար պետութիւններէ, ներառեալ՝ Իրանէն: Սըլէյման յայտնեց, թէ Սէուտական օժանդակութիւնը ցարդ եզակի է իր տեսակին մէջ:

–         Ներքին գործոց նախարար Նիհատ Մաշնուք ընտրական խորհուրդներու կազմութեան օրինագիծը ստորագրած եւ փոխանցած է կառավարութեան: Մաշնուք   դիտել տուաւ, որ կառավարութիւնը   անհրաժեշտ է,որ հաստատէ իր ներկայացուցած օրինագիծը, որպէսզի ընտրական գործընթացը մտնէ սովորական հունին մէջ:

–         Միացեալ Նահանգներ իր քաղաքացիները անգամ մը եւս զգուշացուց Լիբանան այցելելէ: Պետական   քարտուղարութիւնը իր խօսքը   Լիբանանի մէջ աշխատող եւ ապրող ամերիկացիներուն յղելով, դիտել տուաւ, թէ անոնք պարտաւոր են ըմբռնելու իրենց սպառնացող վտանգին լրջութիւնը:

–         Սարակները   երէկ առաւօտեան դարձեալ փակեցին ելեկտրական ընկերութեան Նահրի շրջանի կեդրոնատեղիին   գլխաւոր ճանապարհները: Սարակ մը   սպառնաց   ինքնահրկիզումի դիմել՝ եթր կառավարութիւնը ազատ չարձակէ Սուրի մէջ ձերբակալուած սարակ մը:  Ապահովական մարմիններ ազատ արձակեցին Սուրի մէջ ձերբակալուած երկու սարակներ:

LEAVE A REPLY

Please enter your comment!
Please enter your name here