ՀՌՈՄԻ ՊԱՊԸ ՊԱՏԱՐԱԳ ՊԻՏԻ ՄԱՏՈՒՑԷ ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԻՆ ԱՌԻԹՈՎ

0
149

Հռոմի Ֆրանսիսկոս Ա. Պապը   12 Ապրիլ 2015-ին, Սուրբ Պետրոս տաճարին մէջ պատարագ պիտի մատուցէ Հայոց Ցեղասպանութեան   100-ամեակին առիթով:   Այս մասին հաղորդեց Պուենոս Այրէսի   գարտինալ Մարիօ Փոլին, հայ   կաթողիկէ եկեղեցւոյ մէջ   17 Օգոստոսին մատուցած պատարագի ընթացքին:

«Հռոմի Պապը պատասխանած է Ցեղասպանութեան   ճանաչմանը նուիրուած   պատարագ   կատարելու՝ մէկ   տարի առաջ Ներսէս Պետրոս 19-րդ կողմէ ուղարկած Հայ Կաթողիկէ եկեղեցւոյ հրաւէրին». յայտարարեց եկեղեցւոյ հովիւ Փապլօ Հաքիմեանը՝ի պատասխան Փրենսա Արմենիա   գործակալութեան հարցին:

Գործակալութեան փոխանցմամբ, անցեալ   տարուան   Յունիսին Ներսէս Պետրոս 19-րդ պատրիարքի հետ հանդիպման ժամանակ Հռոմի պապը ընդունած էր նաեւ Հայոց   Ցեղասպանութենէն  վերապրած   մարդու մը աղջկան:   Պապը լսած է աղջկան, վերցուցած անոր ձեռքը եւ ըսած.« Անիկա   20-րդ դարու Առաջին Ցեղասպանութիւն էր»:

LEAVE A REPLY

Please enter your comment!
Please enter your name here