ՈՒՔՐԱՆԻԱ ԱՐՏՕՆԵՑ ՌՈՒՍԱԿԱՆ ՄԱՐԴԱՍԻՐԱԿԱՆ ՕԳՆՈՒԹԻՒՆՆԵՐՈՒ ՄՈՒՏՔԸ

0
134

ՄԱԿ-ի մարդասիրական հարցերով   համակարգման   վարչութեան հաշուետուութեան տուեալներով,   Տոնեցքի եւ   Լուկանսքի   շրջաններէն   հեռացած է 22 հազար մարդ: Ուքրանական բանակի հրետանին   կոյր   ռմբակոծումի կ’ենթարկէ   Տոնեցք եւ Լուկանսք քաղաքները: Գերմանիոյ արտաքին գործոց նախարար Ֆրանք Շթայնմայէր յայտարարեց, թէ Ռուսիոյ, Ֆրանսայի, Գերմանիոյ եւ Ուքարնիոյ արտաքին գործոց նախարարները հանդիպում մը ունեցած են Պերլինի մէջ ՝ Ուքրանիոյ հակամարտութեան լուծում մը գտնելու մտահոգութեամբ: Հանդիպումէն ետք, Ռուսիոյ արտաքին գործոց նախարար Սերկէյ Լաւրով յայտարարեց,թէ հանդիպումը   ոչ մէկ յառաջընթաց արձանագրած է զինադադար   գոյացնելու եւ ռուսական մարդասիրական օժանդակութիւնները   առաքելու ուղղութեամբ: Աւելի ուշ, ուքրանական կառավարութեան անդամ մը յայտնեց, թէ  իշխանութիւնները պիտի արտօնեն ռուսական օժանդակութիւններու մուտքը Ուքրանիա:

LEAVE A REPLY

Please enter your comment!
Please enter your name here