ԼՈՒԻՍ ՍՈՒԱՐԷԶ ՎԵՐՋԱՊԷՍ ԴԱՇՏ ՆԵՐԿԱՅԱՑԱՒ ՊԱՐՉԵԼՈՆԱՅԻ ՇԱՊԻԿՈՎ

0
132

Ուրուկուէյի   հաւաքականի յարձակող Լուիս Սուարէզ պաշտօնական առաջին մրցումը կատարեց Պարչելոնայի շապիկով, երբ 75-րդ վայրկեանին դաշտ ներկայացաւ ՝ մեքսիքական Գլապ Լէոն խումբին դէմ   բարեկամական մրցումին: Պարչելոնայի համակիրները ծափողջոյններով   դիմաւորեցին իրենց հերոսը:

Նշենք, թէ ՖԻՖԱ մերժեց մեղմացնել Սուարէզի դէմ   չորսամսեայ պատիժը, սակայն արտօնեց մասնակցիլ Պարչելոնայի մարզումներուն եւ ակումբին կատարելիք  բարեկամական մրցումներուն: Նէյմար(2), Մեսի, Էլ   Հատատի (2) եւ Սանտրօ   նշանակեցին գաթալոնական խումբին կոլերը:

Սկզբունքով, Սուարէզ՝ Սպանիոյ ֆութպոլի ախոյեանութեան գծով իր առաջին մրցումը պիտի կատարէ 26 Հոկտեմբերին՝ Ռէալ Մատրիտի դէմ:

Լուիս Սուարէզ ամրան   ընթացքին, փոխան 75   միլիոն սթերլին գումարի մը, Լիվըրփուլէն միացաւ Պարչելոնայի: Սուարէզ պիտի կրէ  Պարչելոնայի թիւ 9-ը շապիկը:

LEAVE A REPLY

Please enter your comment!
Please enter your name here