Ազգային Գիտակցութեան Գծով՝ Ատրպէյճան Ետ Կը Մնայ Հայաստանէն

0
107

ԵՐԵՒԱՆ, «Արմէնփրէս».- Ատրպէյճանցիները նախանձով կը դիտեն պետական ապահովագրութեան հետ կապուած հարցերու մէջ Հայաստանի իշխանութեանց եւ ընդդիմութեան միջեւ առկայ համերաշխութիւնը, ըսած է Ատրպէյճանի Ազատ ժողովրդավարներու կուսակցութեան ղեկավար Սուլհետտին Աքպար:
«Մոտըրէյթըր» կայքին հետ հարցազրոյցի մը ընթացքին, ան նման համերաշխութեան բացակայութեան պատասխանատու համարած է Ատրպէյճանի իշխանութիւնները:
«Ատրպէյճանի իշխանութիւնները ընդդիմութիւնը կը նկատեն ոչ թէ ազգային հզօրութեան մէկ մասնիկը, այլ՝ թշնամի: Իշխանութեանց այդ նպատակը հաստատուեցաւ 2010ի խորհրդարանական ընտրութիւններուն ընթացքին, երբ ձեւաւորուեցաւ առանց ընդդիմութեան խորհրդարան մը: Շատ ափսոս, որ Ատրպէյճանի իշխանութեանց ազգային քաղաքական գիտակցութիւնը՝ Հայաստանի հետ համեմատած, շատ ետ կը մնայ: Այդ պատճառով է, որ ազգային հարցերու գծով՝ Ատրպէյճանի մէջ անհրաժեշտ համերաշխութիւնը չկայ», նշած է ատրպէյճանցի կուսակցապետը:

LEAVE A REPLY

Please enter your comment!
Please enter your name here