«Ղարաբաղի համար Լաւագոյն Խաղաղապահները Երկրի Զինուած Ուժերն Են». Մովսէս Յակոբեան

0
117

ԵՐԵՒԱՆ, «Նիուզ».– «Լեռնային Ղարաբաղի Հանրապետութեան համար լաւագոյն խաղաղապահները հենց Լեռնային Ղարաբաղի Հանրապետութեան զինուած ուժերն են», յայտարարած է Լեռնային Ղարաբաղի պաշտպանութեան նախարար, պաշտպանության բանակի հրամանատար Մովսէս Յակոբեանը՝ պատասխանելով լրագրողի մը այն հարցումին, թէ ի՛նչ կը մտածէ Ղարաբաղի տարածքին մէջ խաղաղապահներ տեղակայելու մասին։ «Այս տարածաշրջանում մեզանից լաւ խաղաղապահ չկայ», նշած է նախարարը:
Անդրադառնալով Ռուսիոյ կողմէ Ատրպէյճանին զէնք վաճառելու երեւոյթին՝ Յակոբեան յայտնած է. «Այն, որ Ադրբեջանը զէնք է գնում, շատ վատ է, սակայն դա մեզ չի վախեցնում»: Ըստ անոր՝ վերջին հետախուզական–ներթափանցման գործողութիւններուն ընթացքին ատրպէյճանցի զինուորները հայկական կողմին նուէր ձգած էին քանի մը տեսակի զէնք, զոր Լեռնային Ղարաբաղի բանակը չունէր: «Լաւ սպառազինութիւնը կարեւոր է, սակայն որոշիչ չէ: Բանակում օպերատիվութեան արուեստ գոյութիւն ունի, կարեւոր է կարողանալ հմտօրէն գործածել ունեցած զէնքը»:

LEAVE A REPLY

Please enter your comment!
Please enter your name here