ՆԱԽԱԳԱՀԱԿԱՆ ԸՆՏՐՈՒԹԵԱՆ ՔԱՇՔՇՈՒՔԸ ՊԻՏԻ ՇԱՐՈՒՆԱԿՈՒԻ ՄԻՆՉԵՒ ՍԵՊՏԵՄԲԵՐ

0
122

Լիբանանեան կառավարութիւնը երէկ առաւօտեան վարչապետարանին մէջ՛ վարչապետ Թամամ Սալամի գլխաւորութեամբ գումարեց նիստ մը եւ քննարկեց   ընթացիկ   հարցեր: Օրակարգի վրայ էր նաեւ Մանսուրիյէի շրջանին մէջ   բարձր յաճախականութեամբ ելեկտրական գիծ մը   տեղադրելու հարցը որ   բախեցաւ Փաղանգաւոր Կուսակցութիւնը ներկայացնող նախարարներուն ընդդիմութեան:

Քաղաքական մեկնաբաններու կարծիքով նախագահական   ընտրութիւններու   քաշքշուքը պիտի շարունակուի մինչեւ Սեպտեմբերի   վերջաւորութիւնը: Մեկնաբանները կ’աւելցնեն,թէ     նախագահութիւնը պիտի   վճռուի չորս թեկնածուներու միջեւ՝ Ժան Քահուաճի, Ռոպէր Ղանէմ, Ռիատ Սալամէ եւ Ժան Օպէյտ:Ընկերվար Յառաջդիմական Կուսակցութեան պետ Ուալիտ Ճոմպլաթ դիտել տուաւ,թէ նախագահական ընտրութիւններու   բանալին կը գտնուի մարոնի «Էսթեպլիշմընթ»ին մօտ: Ճոմպլաթ՝ անցեալի սխալներէն դաս քաղելու խորհուրդ մը  տուաւ   քաղաքական ուժերուն:

Առեւանգուած զինուորականները ազատ արձակելու բանակցութիւններուն մասնակցող աղբիւրներ հաւաստեցին, թէ   ծայրայեղականները իւրաքանչիւր զինուորականի փոխարէն կը   պահանջեն տասը արգելափակեալ իսլամիստ: Այս անելային կացութեան մէջ, Տաաշ   սպառնած , թէ բանակցութիւններու ժամանակամիջոցը սահմանափակ   է: Բանակցութիւններուն մասնակցող շէյխ   Ատնան Իմեմէ   յայտնեց, թէ ներկայիս անորոշութիւն կը տիրէ բանակցութիւններուն շուրջ: Ան, այսօր՝ Ուրբաթ, հանդիպում մը պիտի ունենայ վարչապետ Թամամ Սալամ ի հետ՝ ստանալու համար զինեալներուն հերկայացուցած պայմաններուն պատասխանը: Ներքին գործոց նախարար ՆիհատՄաշնուք յայտնեց, թէ զինուորականներուն   հարցը կը քննարկուի լրջութեամբ եւ լռութեան մէջ:

ԼԻԲԱՆԱՆԵԱՆ   ԿԱՐՃ ԼՈՒՐԵՐ

–         Լիբանանեան տարբեր   շրջաններու մէջ մասնակի գործադուլ մը գործադրուեցաւ երէկ, ընդառաջելով սենտիքայական համակարգումի խորհրուրդին կոչին: Տնտեսական եւ Կրթական նախարարութիւններու շէնքերուն առջեւ տեղի ունեցաւ նստացոյց: Ուսուցիչները դատապարտեցին   պետական քննութիւններու մասնակից   ուսանողներուն վկայագիր յանձնելու կրթական նախարարին որոշումը:

–         Փոփոխութիւն եւ Բարեկարգում խորհրդարանական խմբաւորումի անդամ տասը երեսփոխաններ ներկայացուցին   նախագահը ժողովուրդէն ընտրելու եւ սահմանադրութիւնը փոփոխութեան ենթարկելու օրինագիծ մը:

LEAVE A REPLY

Please enter your comment!
Please enter your name here