ՍԱԼԱՄ ՔՆՆԱՐԿԵՑ ԱՌԵՒԱՆԳՈՒԱԾ ԲԱՆԱԿԱՅԻՆՆԵՐՈՒՆ ՀԱՐՑԸ

0
108

Իսլամ կրօնաւորները ներկայացնող պատուիրակութիւն մը երէկ առաւօտեան այցելեց վարչապետարան եւ վարչապետ Թամամ Սալամին ներկայացուց առեւանգուած   զինուորները ազատ արձակելու ուղղութեամբ տեղի ունեցող բանակցութիւններուն ընթացքը: Լրատուական կարգ մը աղբիւրներ հաղորդեցին, թէ   Ճեպհէթ Ալ Նուսրա տեսաերիզ մը պիտի   հրապարակէ առեւանգուած զինուորներուն վերաբերեալ: Նուսրա՝ բանակայիններուն ազատ արձակումը կը պայմանաւորէ  Սուրիոյ հակամարտութենէն Հըզպալլայի հեռացումով: Կ’արժէ նշել, որ   բանակցութիւններու գիծին մէջ   մուտք գործած է ընդհանուր անվտանգութեան ընդհանուր տնօրէն, հազարապետ Ապպաս Իպրահիմը: Ներքին գործոց նախարար Նիհատ Մաշնուք   հերքեց   զինուորները ազատ արձակելու նպատակով միջազգային միջնորդութեան մը մասին տեղեկութիւնները:

 

Վարչապետ Թամամ Սալամ պիտի գլխաւորէ ՄԱԿ-ի ընդհանուր նիստերուն մասնակից   լիբանանեան պատուիրակութիւնը: Նշենք,թէ ՄԱԿ-ի ընդհանուր նիստերը տեղի պիտի ունենան Սեպտեմբեր ամսուան երկրորդ կէսին: Սալամ վարչապետարանին մէջ ընդունեց Լիբանանի մօտ հաւատարմագրուած արաբ պետութիւններու դեսպանները, լիբ-պաղեստինեան երկխօսութեան յանձնախումբի նախագահ Հասան Մընէյմնէի   մասնակցութեամբ:

 

Խորհրդարանի նախագահ   Նեպիհ Պըրրի անգամ մը եւս իր այցելուներուն   յայտնեց,թէ   նախագահական   ընտրութիւններու գործընթացը տակաւին չէ հատած վտանգաւոր կարմիր գիծը: Պըրրի աւելցուց,թէ խորհրդարանը սահմանադրականօրէն մինչեւ 16 Նոյեմբեր ժամանակամիջոց ունի   ընտրելու նոր նախագահ: Նախագահական թեկնածութիւններու ծիրին մէջ,   ըստ Մուսթաքպալ Հոսանքի մօտիկ աղբիւրներուն, Սաատ Հարիրի մտադրած է անձամբ Միշէլ Աունին փոխանցել, թէ սահմանափակ են նախագահ ընտրուելու կարելիութիւնները: Միւս կողմէ, Լիբանանեան Ուժերը եւ Փաղանգաւոր Կուսակցութիւնը վերահաստատեցին խորհրդարանի պաշտօնավարութեան ժամկէտը երկարաձգելու դէմ իրենց կեցուածքը:

 

ԼԻԲԱՆԱՆԵԱՆ ԿԱՐՃ ԼՈՒՐԵՐ

–         Երեսփոխան Պահիա Հարիրի այցելեց Պքերքէ եւ հանդիպում մը ունեցաւ   մարոնիներու Պշարա Ռայի գարտինալին հետ:Հարիրի առանց որեւէ յայտարարութիւն կատարելու  մեկնեցաւ Պքերքէյէն: Ռայի նաեւ   ընդունեց պաշտպանութեան նախարար Սամիր Մուքպէլը:

–         Ելեկտրականութեան   ընկերութիւնը իր բոլոր պաշտօնեաներէն պահանջեց անյապաղ աշխատանքի ներկայանալ Երկուշաբթի առաւօտեան: Ընկերութիւնը ներքին ապահովութեան ուժերէն խնդրեց երաշխաւորել   պաշտօնէութեան անվտանգութիւնը:

LEAVE A REPLY

Please enter your comment!
Please enter your name here