ԲԱՆԱԿԱՅԻՆՆԵՐԸ ԱԶԱՏ ԱՐՁԱԿԵԼՈՒ ՆՈՐ ՔԱՅԼԵՐ

0
107

Առեւանգուած բանակայինները ազատ արձակելու առաքելութեամբ իսլամ կրօնաւորներու   նախաձեռնութիւնը   ձախողութեան մատնուելէ ետք, միջնորդութեան գիծին մէջ մտաւ ընդհանուր անվտանգութեան ընդհանուր տնօրէն, հազարապետ Ապպաս Իպրահիմը: Իպրահիմ հաղորդակցութեան մէջ մտած է   թրքական եւ քաթարեան գաղտնի սպասարկութիւններու   հետ: Այս մտահոգիչ կացութեան մէջ, վարչապետ Թամամ Սալամ դիտել տուաւ,թէ  զինուորականներուն   թղթածրարը համայն Լիբանանը   յուզող հարց ըլլալով, կը կարօտի բոլորին աջակցութեան: Նշենք, թէ   իսլամ կրօնաւորներու միջնորդութիւնը փակուղիի հանդիպեցաւ այն պահուն, երբ Տաաշ, աւելի ծայրայեղ անձնաւորութեամբ մը   փոխարինեց կրօնաւորներուն հետ բանակցութիւններ վարողը: Տաաշ եւ Ճեպհէթ Ալ Նուսրա, իւրաքանչիւր բանակայինի փոխարէն կը պահանջեն տասը իսլամիստներու ազատ արձակումը:

Ներքին գործոց նախարարութիւնը հաղորդեց,թէ առեւանգուած բանակայինները կը հաշուեն քսան,իսկ ներքին ապահովութեան ծառայողները՝ տասն հինգ: Ճեպհէթ Ալ Նուսրա ահաբեկչական կազմակերպութիւնը   լոյս ընծայեց   տեսաերիզ մը: Տեսաերիզին մէջ խօսք առնող ներքին ապահովութեան ծառայողները կը պահանջեն, որ Հըզպալլայի զինեալները հեռանան Սուրիայէն:

Լիբանանեան Ուժեր Կուսակցութեան գործադիր խորհուրդի պետ Սամիր Ժաաժա   զգուշացուց Տաաշը.« Լիբանանը Տաաշի գերզմանը պիտի ըլլայ եթէ փորձէ յարձակիլ Լիբանանի վրայ». ըսաւ Ժաաժա: Ժաաժա աւելցուց, թէ չէր   մտահոգուած Միջին Արեւելքի մէջ քրիստոնեաներու ճակատագիրով,իսկ առանց որեւէ լուծումի նախագահութեան թեկնածութենէն իր հրաժարականը նկարագրեց իբրեւ   քաղաքական անձնասպանութիւն:

Նախագահական ընտրութիւններու ծիրին մէջ, մարոնիներու Պշարա Ռայի գարտինալը   իր վերապահութիւնը յայտնեց նախագահը ժողովուրդէն ընտրելու Միշէլ Աունի առաջարկին: Խորրհդարանի նախագահ Նեպիհ Պըրրի ցաւ յայտնեց, որ լիբանանցիները կորսնցուցած են լիբանանեան տարազով նախագահ ընտրելու առիթը: Պըրրի դարձեալ մերժեց խորհրդարանին պաշտօնավարութեան ժամանակամիջոցը երկարաձգելու առաջարկը:

 

LEAVE A REPLY

Please enter your comment!
Please enter your name here