ԱՄԵՆԱՅՆ ՀԱՅՈՑ ԳԱՐԵԳԻՆ Բ. ԿԱԹՈՂԻԿՈՍԸ ԴԱՏԱՊԱՐՏԵՑ ԵԶԻՏԻՆԵՐՈՒ ԴԷՄ ՎԱՅՐԱԳՈՒԹԻՒՆՆԵՐԸ

0
103

Ամենայն Հայոց Գարեգին Բ. Կաթողիկոսը զօրակցութեան գիր մը յղեց   համայն եզիտիներու հոգեւոր առաջնորդ Նորին Սուրբ Մեծութիւն Միրէ-Միրա Թահսիմ Պէկին:« Համայն հայութեան հոգեւոր   կեդրոն Մայր Աթոռ Սուրբ   Էջմիածինէն մեր ցաւակցութիւնները կը յղենք Ձեզ,այս   օրերուն Իրաքի մէջ եզիտի բնակչութեան նկատմամբ իրականացուող զանգուածային կոտորածներուն կապակցութեամբ: Մենք խորապէս անհանգստացած ենք Իրաքի հիւսիսային   շրջաններուն մէջ տեղի ունեցող անմարդկային բռնութիւններուն եւ անոնց հետեւանքով   բազմաթիւ   զոհերու առնչութեամբ». ըսուած է Վեհափառ   հայրապետի գրութեան մէջ:

Խստօրէն դատապարտելով   եզիտի ժողովուրդին դէմ   իրագործուող   ջարդերն ու բռնութիւնները՝ Ամենայն Հայոցը   վստահութիւն յայտնած է,թէ բազմադարեայ պատմութիւն ունեցող եզիտի ժողովուրդը կը տոկայ եւ կը յաղթահարէ իր առջեւ   ծառացած այս փորձութիւնը: Ամենայն Հայոցը միաժամանակ մաղթեց,որ «վերահաստատուի   խաղաղութիւնը Իրաքի մէջ եւ Իրաքի աստուածասէր ժողովուրդը շարունակէ իր խաղաղ կեանքը »:

LEAVE A REPLY

Please enter your comment!
Please enter your name here