ԿԱԶԱՅԻ ՇՈՒՐՋ ԶԻՆԱԴԱԴԱՐԻ ԵԳԻՊՏԱԿԱՆ ՆՈՐ ԱՌԱՋԱՐԿ

0
108

Մինչ Գահիրէ լծուած է Իսրայէլի եւ Համասի միջեւ Կազայի շուրջ երկարաժամկէտ զինադադարի աշխատանքներուն,   հակամարտութեան երկու կողմերը կը շարունակեն   հրթիռարձակումները: Բանակցութիւններուն մասնակից   պաղեստինեան պատուիրակութիւնը հաւանութիւն տուաւ   եգիպտական նոր նախաձեռնութեան:

Իսրայէլեան բանակին համաձայն, Կազայի շրջանէն   հարիւրէ աւելի հրթիռներ արձակուած են Իսրայէլի ուղղութեամբ: Պաղեստինի առողջապահութեան նախարարութիւնը   հաղորդեց, թէ վերջին 24 ժամերուն ընթացքին զոհուած են   28 պաղեստինցիներ: Վիրաւորոներուն թիւը կ’անցնի 76-ը: « Հաարէց» օրաթերթը կը գրէ, թէ   վերջին դէպքերուն հետեւանքով աւելի քան 400 պաղեստինցի ընտանիքներ հեռացած են Կազայէն: Իսրայէլեան օդուժը   երէկ առաջին անգամ   ըլլալով   ռմբակոծեց Եգիպտոսի սահմանին կից Ռաֆահի անցքը:

ՄԱԿ-ի մօտ Իսրայէլի դեսպան Ռոն Փրոսոր յայտարարեց,թէ Քաթար, քուլիսներու ետին  կը զինէ Համասը:  Փրոսոր նշեց,թէ Քաթար դարձած է տագնապին մէկ մասնիկը եւ ոչ՝ լուծումը:

LEAVE A REPLY

Please enter your comment!
Please enter your name here