ՌՈՒՍԻՈՅ ԿԵՑՈՒԱԾՔԸ ԿԱՐԷՆ ՊԵՏՐՈՍԵԱՆԻ ՍՊԱՆՈՒԹԵԱՆ ՇՈՒՐՋ

0
107

«Ռուսիա խորապէս   կը ցաւի, որ ղարբաղեան   հակամարտութեան չկարգաւորուած մնալը կ’ուղեկցի մարդկային զոհերով եւ ոչ միայն զինեալ ուժերու բախումներու ժամանակ». այսպիսի յայտարարութիւն մը կատարեց Ռուսիոյ արտաքին գործոց նախարարութիւնը: Նախարարութեան խօսնակ Ալեքսանտր Լուկաշեւիչ ըսաւ.« Խորապէս կը ցաւակցինք Կարէն Պետրոսեանի, ինչպէս նաեւ կեանքը կորսնցուցած այլ հայերու եւ ատրպէյճանցիներու հարազատներուն: Անհրաժեշտ կը նկատենք նմանատիպ   միջադէպերու մանրամասն   հետաքննութեան իրականացումը: Կողմերուն կոչ կ’ընենք կիրառելու   Ատրպէյճանի, Հայաստանի եւ Ռուսիոյ նախագահներուն՝   27 Հոկտեմբեր 2010-ի համատեղ   յայտարարութեան՝ զոհուածներու   մարմինները ԵԱՀԿ Մինսքի խումբի համանախագահներուն եւ Կարմիր Խաչի Միջազգային Խորհուրդին աջակցութեամբ վերադարձնելու  վերաբերեալ դրոյթները». ըսաւ Լուկաշեւիչ:

Տաւուշի   շրջանի Չինար գիւղի բնակիչ Կարէն Պետէոսեան՝   1981-ի ծնեալ, Ատրպէյճանի կողմէ գերեվարուած էր   7 Օգոստոսին: 8 Օգոստոսին,   Ատրպէյճանի պաշտպանութեան նախարարութիւնը հաղորդեց,թէ հայ զինուորը յանկարծամահ   դարձած էր:

LEAVE A REPLY

Please enter your comment!
Please enter your name here