ՄԱՆՉԵՍԹԸՐ ՍԻԹԻ – ԼԻՎԸՐՓՈՒԼ՝ 3 – 1

0
124

Անգլիոյ   ֆութպոլի ախոյեանութեան երկրորդ հանգրուանի մրցումներուն գծով,   Էթիհատ մարզադաշտին մէջ, Մանչեսթըր Սիթի՝ 3-1 արդիւնքով պարտութեան մատնեց Լիվըրփուլը(կիսախաղ՝ 1-0): Սթեֆան Եովեթիչ (2) եւ Սերժիօ Ակուերօ նշանակեցին Սիթիի կոլերը, Փապլօ Զապալեթա՝ Լիվըըրփուլի (սեփական բերդէն ներս):

Միւս կողմէ, Ա.Սէ. Միլանի եւ Իտալիոյ հաւաքականի յարձակող Մարիօ Պալոթելի հինգ տարուան պայմանագրութիւն մը կնքեց Լիվըրփուլի հետ: 24-ամեայ Պալոթելի փոխան 16   միլիոն սթերլին գումարի մը միացաւ «Կարմիրներ»ուն:

ՏԻ ՄԱՐԻԱ ՊԻՏԻ ՄԻԱՑԱՒ   ՄԱՆՉԵՍԹԸՐ ԵՈՒՆԱՅԹԸՏԻ

Ռէալ Մատրիտի եւ Արժանթինի   հաւաքականի եզրային յարձակող Անխէլ Տի Մարիա   պաշտօնապէս միացաւ   Մանչեսթըր Եունայթըտի:   Անգլիական ակումբը յօժարեցաւ   59.7 միլիոն սթերլին գումար մը վճարել արժանթինցի ֆութպոլիստին փոխանցումին համար: Կ’արժէ նշել, որ ամրան ընթացքին Մանչեսթըր Եունայթտըտ 132 միլիոն սթերլին գումար մը   ծախսած է փոխանցումներու նպատակով:

Տի Մարիա, 2010-ին, փոխան 36 միլիոն սթերլին գումարի մը, Պենֆիքայէն միացած էր Ռէալ Մատրիտի:

ՌԷԱԼ ՄԱՏՐԻՏ   – ԳՈՐՏՈՊԱ՝ 2- 0

Սպանիոյ ֆութպոլի ախոյեանութեան առաջին   հանգրուանի մրցումներուն գծով, Ռէալ Մատրիտ ՝   2-0 արդիւնքով պարտութեան մատնեց Գորտոպան: Քարիմ Պենզեմա եւ Քրիսթիանօ Ռոնալտօ նշանակեցին Ռէալի կոլերը:

Անցեալ տարուան ախոյեան Աթլեթիքօ Մատրիտ՝   մրցակիցի դաշտին մէջ 0-0 արդիւնքով հաւասարութիւն մը արձանագրեց Ռայօ Վալեքանոյի դէմ:

 

LEAVE A REPLY

Please enter your comment!
Please enter your name here